د افغانستان په سوېلي ولایتونو کې د ازادو رسنیو د ملاتړ ادارې، نی استازی وایي چې لښکرګاه کې ۱۰ راډیوګانو او څلورو ټلوېزیونونو نن دوشنبه خپلې خپرونې درولې دي.
عزتالله غیرتمل ازادي راډيو ته وویل، معلوماتیې ښيي چې د دغو رسنیو کارکوونکي له دفترونو وتلي او خوندي سیمو ته لېږدول شوي دي.
په لښکرګاه کې طالبانو نن سهار یو ځل بیا شدیده جګړه پيل کړه چې د روېټرز خبري اژانس په استناد چټک پرمختګیې کړی دی.
د هلمند والي محمد ولي علیزي ازادي راډیو ته وویل چې جګړه شدیده، خو مهارېدونکې ده.
ده وویل، جګړه د حوزو په شااوخوا کې ده او په خبرهیې طالبانو د پاکستان په ملاتړ ډېره هڅه پیل کړې چې ښار ونیسي.
عليزي زیاته کړه چې تازه دمه ځواکونه لښکرګاه ته ور رسېدلي او په خبرهیې هڅه کوي چې ښار ته ورغلي طالبان کلابند کړي.
په لښکرګاه کې یوه ازاد خبریال عزیز احمد شفیع ازادي راډيو ته وویل چې جګړې سهار شدت درلود، غرمه مهال یو څه غلې، خو ماښام بیا ګړندۍ شوه.
دی وایي، طالبان د ولایت مقام او امنیه قوماندانۍ څو سوه مترۍ ته نږدې شوي دي.
طالبانو هم د هلمند په جګړه کې د پرمختګ خبره کړې او ادعا یې کړې چې یو شمېر امنیتي ځواکونه ورسره یوځای شوي دي.
دا ادعا تر اوسه حکومتي چارواکو نهده تأیید کړې.
