د لاسرسۍ وړ لېنکونه

تازه خبر
جمعه ۱۰ وری ۱۴۰۳ کابل ۱۲:۲۱

پاکستان د افغانستان له سفیر سره د ناوړه چلند ادعا رد کړه


د پاکستان د بهرنیو چارو وزارت په اعلامیه کې ویل شوي چې د پاکستان حکومت ټولو ته درناوی کوي او له بهرنیو استازیو تمه لري، څو له ډیپلوماتیکو نورمونو او اصولو سره سم مخته ولاړ شي.
د پاکستان د بهرنیو چارو وزارت په اعلامیه کې ویل شوي چې د پاکستان حکومت ټولو ته درناوی کوي او له بهرنیو استازیو تمه لري، څو له ډیپلوماتیکو نورمونو او اصولو سره سم مخته ولاړ شي.

د پاکستان د بهرنیو چارو وزارت پرون د یوې اعلامیې په خپرولو سره په اسلام اباد کې د افغانستان له سفیر سره د "ناوړه چلند" ادعا رد کړې ده.

په دغه اعلامیه کې ویل شوي چې د پاکستان حکومت ټولو ته درناوی کوي او له بهرنیو استازیو تمه لري، څو له ډیپلوماتیکو نورمونو او اصولو سره سم مخته ولاړ شي.

د افغانستان د بهرنیو چارو وزارت وړمه ورځ په یوه اعلامیه کې ویلي و چې په اسلام اباد کې د افغانستان سفیر شکرالله عاطف مشعل د پاکستان د پوځي استخباراتو ادارې (ای اس ای) له خوا احضار او ناوړه چلند ورسره شوی و.

په اعلامیه کې افغان حکومت د پاکستان په دې کار کلک اعتراض کړی و او ویلي یې و چې د ای اس ای له خوا د ښاغلي مشعل احضار او له هغه سره ناوړه چلند د ډیپلوماتیکو موازینو او عرف خلاف عمل دی.

د ا فغانستان سفیر وروسته له هغه د ای اس ای له خوا ورغوښتل شوی چې د پاکستان د بهرنیو چارو وزارت یکشنبه په یوه اعلامیه کې وویل چې په کابل کې د دوی ډیپلوماتان ځورول شوي دي.

پاکستان له دوشنبې راهیسې په کابل کې د خپل سفارت قونسلي څانګه هم د هغه څه په خاطر چې خپلو ډیپلوماتانو ته ورپېښې امنیتي ستونزې یادوي، تړلې ده.

افغان حکومت وايي، د امنیتي اندېښنو په باب چې پاکستان یې په خاطر په کابل کې د خپل سفارت قونسلي څانګه تړلې ټولې ادعاوې په ککله څېړي او پاکستان او نورو ټولو هېوادونو ته ډاډ ورکوي چې ډیپلوماتان به یې خوندي وي.

XS
SM
MD
LG