د لاسرسي لېنکونه

شنبه ۲۸ تله ۱۳۹۷ کابل ۰۰:۵۵

پر ایران اقتصادي فشارونه ورځ په ورځ زیاتېږي


د امریکا د اقتصادي بندیزونو د اولې مرحلې له پیل سره پر تهران اقتصادي فشارونه ورځ په ورځ زیاتېږي.

په دې حال کې، د ایران پارلمان پرون چهارشنبه د هغه هېواد د کار او ټولنیزو چارو وزیر علي ربیعي سلب صلاحیت کړ.

د پارلمان غړو له علي ربیعي د دې لپاره چې بې‌کاري زیاته شوې، دولتي مأمورینو ته معاشونه نه‌دي رسېدلي او د کار او ټولنیزو چارو په وزارت کې اداري فساد زیات شوی د باور رأیه واخیسته.

د پارلمان له ۲۴۳ غړو ۱۲۹ علي ربیعي ته د عدم اعتماد رأيه ورکړه او هغه بې‌صلاحیته شو.

ویل کېږې چې د ایران ولسمشر حسن روحاني به راتلونکې اوونۍ پارلمان ته ورشي.

ویل کېږې چې د ایران ولسمشر حسن روحاني به راتلونکې اوونۍ پارلمان ته ورشي.
ویل کېږې چې د ایران ولسمشر حسن روحاني به راتلونکې اوونۍ پارلمان ته ورشي.

روحاني به هم د پارلمان غړو ته پر ایران د زیاتېدونکي اقتصادي فشار له امله د ایراني ریال د نرخ د لوېدو، اقتصادي کمزورۍ او له دې سره د تړلو ستونزو په اړه معلومات ورکړي.

دونالد ټرمپ: هر څوک چې له ایران سره تجارت کوي، له امریکا سره‌یې نه‌شي کولای.

پر ایران د امریکا د متحده ایالاتو د اقتصادي بندیزونو لومړۍ مرحله د اګسټ پر اوومه نېټه پیل شوه.

په دې پړاو کې د ایران ټولې هغه مالي معاملې چې په ډالرو کېږي، د ایران د موټر جوړولو صنعت، د تجارتي الوتکو، سرو زرو او نورو فلزاتو واردات او د ایراني غالیو صادرات تر بندیز لاندې شول.

د امریکا ولسمشر ډونالد ټرمپ د بندیزونو د انفاذ د فرمان تر ورکولو وروسته پر ټویټر ولیکل:

"هر څوک چې له ایران سره تجارت کوي، له امریکا سره‌یې نه‌شي کولای."

د تهران په ګډون د هغه هېواد په ډېرو ښارونو کې خلکو پرله‌پسې مظاهرې وکړې.
د تهران په ګډون د هغه هېواد په ډېرو ښارونو کې خلکو پرله‌پسې مظاهرې وکړې.

د ایران او منځني ختیځ د چارو کتونکي، منصور فرهنګ له نیویارکه ازادي راډیو ته وویل:

"د امریکا د بندیزونو د برحاله کېدو هدف دا دی چې په سیمه کې د ایران نفود مهار شي، له سوریې د ایران پوځ ووځي، له حزب‌الله سره د ایران پوځي او راکټي مرستې بندې شي."

د امریکا د متحده ایالاتو ولسمشر د روان کال په مې میاشت کې اعلان وکړ چې له ایران سره د نړیوالو له اټمي موافقې چې په ۲۰۱۵ میلادي کال کې لاسلیک شوې وه، وځي.

له دې امله د امریکا د هغو اقتصادي بندیزونو برحاله کېدو ته لاره پرانیستل شوه چې ایران د موافقې پر اساس، ورڅخه وتلی و.

د ایران د تېلو د صادراتو پر سکټور او مرکزي بانک به د روان مېلادی کال په نومبر میاشت کې د امریکا بندیزونه ولګېږي.

د ایران د تېلو د صادراتو پر سکټور او مرکزي بانک به د روان میلادی کال په نومبر کې بندیزونه ولګېږي.
د ایران د تېلو د صادراتو پر سکټور او مرکزي بانک به د روان میلادی کال په نومبر کې بندیزونه ولګېږي.

د ایران امنیتي ادارو د اګسټ په پنځمه نېټه د هغه هېواد د مرکزي بانک د بهرنیو اسعارو د تبادلې د برخې مرستیال توقیف کړ.

د ایراني ریال ارزښت د روان میلادي کال د اپرېل له میاشتې راهیسې تقریباً ۵۰ فیصده رالوېدلی دی.

د ایران د پلازمېنې تهران په ګډون د هغه هېواد په ډېرو ښارونو کې خلکو په وروستیو کې پرله‌پسې مظاهرې وکړې او له حکومته‌یې د اقتصادي وضعیت د ښه کولو غوښتنه وکړه.

XS
SM
MD
LG