د لاسرسي لېنکونه

چهارشنبه ۲۴ زمری ۱۳۹۷ کابل ۱۱:۰۰

امریکا غواړي چې له ایران څخه د تېلو صادرات صفر ته راکم کړي


د امریکا د ولسمشر د ملي امنیت سلاکار وايي، واشنګټن د بېلابیلو هېوادونو سره په همکارۍ هڅه کوي چې له ایران څخه د تېلو صادرات صفر ته راکم کړي.

پر ایران د سې شنبې په ورځ د امریکا د متحده ایالاتو د بندیزونو لومړۍ برخه له سره پیل شوه.

د امریکا ولسمشر ډونالد ټرمپ هم د سې شنبې په ورځ پر خپل ټویټر د نړۍ هېوادونو ته له ایران سره د سوداګرۍ په اړه خبرداری ورکړ.

ښاغلي ټرمپ په خپله ټویټرپاڼه ولیکل:

"پر ایران بندیزونه رسماً پیل شول، دا به تر ټولو سخت بندیزونه وي. هر څوک چې له ایران سره سوداګري کوي له امریکا سره به‌یې ونه‌کړای شي."

د امریکا د ولسمشر د ملي امنیت سلاکار جان بولتون همدارنګه د فاکس نیوز ټلوېزیون ته ویلي، امریکا د نړیوالې ترهګرۍ له ملاتړ، په منځني ختیځ کې له شرارت او بالیستیک توغندیو له پرواګرام څخه د ایران د یو پراخ په شا تګ غوښتونکی دی.

XS
SM
MD
LG