د افغانستان دفاع وزارت وایي، اسلاماباد ته د امریکا د دفاع وزیر تر سفر شااوخوا درې ورځې وروستهیې لا هم د پاکستان له لوري هېڅ داسې نښه نهده لیدلې چې وښیي دغه هېواد پر وسلهوالو مخالفینو فشار راوړی وي.
دا لومړی ځل نهدی چې امریکا په جدي ډول له پاکستانه غواړي چې په هغه هېواد کې د ترورېستي ډلو پر وړاندې مبارزه ګړندۍ کړي او له ملاتړهیې لاس واخلي، خو افغان او امریکایي چارواکي دواړه وایي، تر اوسه د پاکستان په دریځ کې د پام وړ بدلون نهمعلومېږي.
د امریکا دفاع وزیر جېمز مټېس د دوشنبې په ورځ اسلاماباد ته سفر وکړ چې پر پاکستاني چارواکو فشار راوړي، څو د وسلهوالو ډلو پر وړاندې جدي مبارزه وکړي او هڅې لا ډېرې کړي.
که څه هم په لومړي سر کې د امریکا د دې هلو ځلو په اړه خوشبینۍ ښودل شوې وې، خو د افغانستان د دفاع وزارت ویاند وایي، تر دې سفر شااوخوا درې ورځې وروستهیې لا هم پر وسلهوالو مخالفینو د فشار راوړلو په برخه کې د پاکستان کومه ښکاره نښه نهده لیدلې.
جنرال دولت وزیري ازادي راډیو ته وویل چې په دې برخه کې د پاکستان صادقانه همکاري د افغانستان جګړه پای ته رسولی شي.
دی وايي:
"موږ تر اوسه داسې نښه نهده لیدلې چې د پاکستان حکومت پر مخالفینو فشار راوړی وي او یا یې د ترورېستانو له ملاتړه لاس اخیستی وي. زموږ هیله همدا ده چې پاکستان د ترورېستانو له ملاتړه لاس واخلي او هغوی پرې نهږدي په پاکستان کې پټنځایونه ولري. لکه چې موږ هېڅچا ته اجازه نهورکوو. که د پاکستان حکومت هم همداسې وکړي، نو دلته جګړه پای ته رسېږي. "
د امریکا دفاع وزیر په اسلاماباد کې د پاکستان له صدراعظم شاهد خاقان عباسي، د پوځ له مشر جنرال قمر جاوید باجوه، پوځي جنرالانو او په اسلاماباد کې د امریکا له سفیر سره کتلي دي.
پنټاګون په یوه خبرپاڼه کې ویلي چې د دفاع وزیر جنرال جېمز مټېس د افغانستان د سولې په پروسه کې د پاکستان پر رول خبرې کړي او ټینګار یې کړی چې پاکستان باید د ترورېستانو پر ضد مبارزه ګړندۍ کړي.
د امریکا دفاع وزارت په پاکستان کې د هغو وسلهوالو ډلو د فعالیت له امله د واشنګټن قهر ته هم اشاره کړې چې د دوی په خبره په افغانستان کې پر امریکايي ځواکونو او د امریکا پر ګټو حملې کوي.
د لوېدیځو رسنیو د راپورونو له مخې امریکایي چارواکي وایي چې پاکستان ته د لوړپوړو امریکایي چارواکو له سفرونو او ټینګار سره سرهیې د وسلهوالو ډلو د ملاتړ په برخه کې د پاکستان په دریځ کې کوم بدلون نهدی لیدلی.
دا د امریکا د دفاع وزیر په توګه پاکستان ته د جېمز مټېس لومړنی سفر و.
تر هغه دمخه د امریکا د بهرنیو چارو وزیر رکس ټېلرسن هم په دې وروستیو کې اسلاماباد ته سفر کړی وو.
پاکستان په وار وار د ترورېستي ډلو د ملاتړ تورونه ردوي او ادعا کوي چې د ترورېزم پر وړاندې د مبارزې په برخه کې یې همکاري کړې ده.
