د لاسرسي لېنکونه

شنبه ۲۷ لړم ۱۳۹۶ کابل ۱۰:۵۹

اتمر خپل پاکستاني سيال سره د ترورېزم پر ضد په صادقانه مبارزې وغږېد


د افغانستان د ملي امنيت سلاکار له خپل پاکستاني سيال سره د ترورېزم په وړاندې پر صادقانه مبارزې خبرې وکړې.

د ملي امنيت شورا وايي، محمد حنيف اتمر پرون له ناصر جنجوعه سره وروسته له هغې خبرې وکړې چې په ننګرهار کې د پاکستان د قونسلګرۍ يو کارکوونکى د دوشنبې ناوخته ووژل شو.

د ملي امنيت شورا وياند قادر شاه ازادي راډيو ته وويل، د افغانستان او پاکستان د ملي امنيت سلاکارانو ترورېزم، د دواړو هېوادونو لپاره ګډ ګواښ وباله:

"دواړو پر دې بحث درلود چې څنګه کولاى شي د ترورېزم په وړاندې چې د افغانستان او پاکستان ولسونه له ګډ ګواښ او ترورېستي بريدونو سره مخامخ دي، صادقانه او مشترکه مبارزه ولري."

په جلال‌اباد کې د پاکستان د سفارت پر کارکوونکي د حملې مسؤلیت چا نه‌دی منلى.

XS
SM
MD
LG