د لاسرسي لېنکونه

جمعه ۳ لیندۍ ۱۳۹۶ کابل ۱۰:۱۲

رومانیا وايي د کندهار د تېرې ورځې حمله کې یو عسکر وژل شوی


د رومانیا دفاع وزارت په افغانستان کې د خپل یوه عسکر د وژل کېدو خبر تائید کړ.

د رومانیا دفاع وزارت په یوه خبرپاڼه کې وویل چې په کندهار کې په چادونه کې دوه رومانیايي عسکر چې د ناټو ترمشرۍ لاندې، د غوڅ ملاتړ په ماموریت کې یې خدمت کاوه، زخمیان شوي دي.

پرون جمعه چې رومانیايي عسکر په کندهار کې په ګزمه بوخت وو او د چاودېدونکو موادو ډک موټر د هغوی د ګزمې له موټرو سره ټکر وکړ.

په افغانستان کې د ناټو په مشرۍ د غوڅ ملاتړماموریت مسئولانو په یوه جلا خبرپاڼه کې ویلي چې په یوه موټر کې چاودېدونکي مواد ځای پرځای شوي وو او د هغوی د ځواکونو د ګزمې له موټرو سره یې تکړ کړی دی.

د ناټو په خبرپاڼه کې ویل شوي چې په کندهار کې د پرونۍ چاودنې له امله یې "کم شمېر" عسکرو ته زیان رسېدلی دی، خو د وژل شوو یا زخمیانو شمېر او د هغوی هویت یې نه دی څرګند کړی.

د حملې مسئولیت وسله والو طالبانو اخیستی او ادعا یې کړې چې بهرني ځواکونه پکې وژل شوي دي.

د رومانیا دفاع وزارت په خپله پرونۍ خبرپاڼه کې ویلي چې د افغانستان امنیتي وضعیت ثبات نه لري او زیاتې وسله والې حملې د هغه هېواد په ختیځ او جنوبي ولایتونوکې کېږي.

XS
SM
MD
LG