د لاسرسي لېنکونه

سه شنبه ۳۰ لړم ۱۳۹۶ کابل ۱۰:۰۷

روسیه وايي د سوریې په ديرالزور کې یې د داعش ۴ قومان


د روسیې دفاع وزارت وايي چې د سوریې په ختیځ ښار دیرالزور کې یې په یوه هوايي حمله کې د اسلامي دولت ډلې یا داعش څلور جګپوړي قوماندانان وژلي دي.

روسي چارواکي وايي، د حملې په وژل شوېو کې د تاجکستان یو پخوانی جګپوړی امنیتي مقام هم شامل دی.

روسي خبري رسنیو نن د دفاع وزارت د یوه بیان په حواله خبر ورکړ چې په دې هوايي حمله کې د داعش د بهرنیو جنګیالیو د مسؤل ابومحمد الشیمالي Abu Muhammad al-Shimali او د تاجکستان د کورنیو چارو وزارت د پخواني مقام ګلمرادحلیموف Gulmurod Halimov په ګډون ۴۰ وسله وال وژل شوي.

حلیموف تر ډېره د داعش د جګړې د وزیر په توګه ګڼل کېده.

بیان زیاتوي چې دا هوايي حمله په دیرالزور کې په یوه سمڅه کې د قوماندانانو پر یوه غونډه شوې ده.

په بیان کې ویل شوي چې د کره معلوماتو پر بنسټ په وژل شوېو کسانو کې څلور مخکښ قوماندانان شامل دي.

په دیرالزور کې د روسیې په ملاتړ د دولتي ځواکونو او د داعش د وسله والو ترمنځ چې یو ځل بیا پر دې ښار د ولکې ټینګولو هڅه کوي درنې جګړې روانې دي.

وروسته له دې چې د سوریې حکومتي ځواکونو پر دیرالزور ښار د داعش درې کلنه ولکه پای ته ورسوله ولسمشر ولادیمیرپوتین په روانه اوونۍ کې ولسمشر بشارالاسد ته د دې بریا مبارکي وویله.

په سوریه کې د ۲۰۱۵ میلادي کال په سیپټمبر کې د روسیې د هوايي حملو له پیلیدو په راوروسته میاشتو کې لویدیځو چارواکو ویلي دي چې روسیې نه یوازې د داعش ډلې بلکې د ولسمشر نورې مخالفې ډلې هم په نښه کړي دي.

XS
SM
MD
LG