په افغانستان کې د ناټو د غوڅ ملاتړ ماموریت وایي چې د ناټو یو عسکر د کابل په قره باغ ولسوالۍ کې د ځان وژونکي برید له امله وژل شوی او شپږ نور ټپیان شوي دي.
د ټپیانو روغتیايي وضعیت ښه یاد شوی او هغوی د درملنې لپاره د بګرام هوایي ډګر ته انتقال شوې دي.
د قره باغ ولسوالی عبدالسمیع شریفي ازادي راډیو ته وویل چې تېره شپه یوه تن چې د ښځو جامې یې په تن وې ځان مرګی برید وکړ.
د ښاغلي شریفي په وینا په دې حمله کې دوه ملکیان وژل شوي او پنځه نور ټپیان شوې دي.