د لاسرسي لېنکونه

دوشنبه ۱ لړم ۱۳۹۶ کابل ۱۰:۳۸

ارګ د پاکستان ادعا چې وايي هند د پاکستان پرضد افغانان کاروي، رد کړه


د افغانستان جمهوري ریاست وايي، داسې ثبوت او شواهد نشته چې ګنې هند د پاکستان پر ضد له افغانانو یا د افغانستان له خاورې څخه کار اخلي.

د جمهوري ریاست مرستیال ویاند نجیب‎الله ازاد تېره شپه له ازادي راډیو سره په خبرو کې د پاکستان دا ادعا رد کړه.

ښاغلي ازاد زیاته کړه:

د جمهوري ریاست مرستیال ویاند نجیب‎الله ازاد
د جمهوري ریاست مرستیال ویاند نجیب‎الله ازاد

"افغانستان به هېڅکله یوه هېواد ته هم دا اجازه ورنه‎کړي چې د بل هېواد پر وړاندې د افغانستان له خاورې یا له ملته ګټه واخېستل شي. متأسفانه پخوا تر دې له غریب افغان ولسه چې د پوهې کچه یې ټیټه وه، پاکستان تل د ابزار په شکل کار اخیستی او د خپل هېواد او خپل ملت په وړاندې یې جنګولي دي. افغانستان اوس نه هغه ماشوم هېواد او نه دا فکر لري چې د یوه هېواد په ګټه د بل هېواد په وړاندې وکارول شي."

د ولسمشر د مرستیال ویاند له دې څرګندونو څو ساعته مخکې د پاکستان د بهرنیو چارو د وزارت ویاند نفیس زکریا پر هند تور ولګاوه چې د پاکستان پرضد او د افغانستان او پاکستان د اړیکو د زیانمنولو او سبوتاژ لپاره له افغانانو کار اخلي.

د پاکستان د بهرنیو چارو د وزارت ویاند نفیس زکریا
د پاکستان د بهرنیو چارو د وزارت ویاند نفیس زکریا

دی وايي:

"نن هند یوه غیر مستقیمه لوبه په افغانستان کې پیل کړې. هند د پاکستان پرضد په اقداماتو کې او همدا راز د پاکستان او افغانستان د اړیکو د سبوتاژ لپاره له افغانانو څخه کار اخلي."

ښاغلي زکریا همدا راز وویل چې افغانستان او پاکستان پر ترورېزم د بریا لپاره په خپلو کې همغږۍ ته اړتیا لري.

د زکریا د څرګندونو په ځواب کې د افغان ولسمشر مرستیال ویاند نجیب‎الله ازاد وویل، پاکستان تر دې دمه هغه ژمنې چې د ترورېزم پر ضد د مبارزې په برخه کې یې کړي، نه‎دي عملي کړي او زیاته یې کړه، د افغانستان هیله دا ده چې پاکستان هغه څه چې وايي، په عمل کې پلي کړي.

افغان چارواکي وايي، پاکستان د تروریستانو ترمنځ توپیر کوي او د هغو تروریستي ډلو په وړاندې رښتینې مبارزه نه کوي چې د پاکستان له خاورې په افغانستان کې مرګونې حملې کوي.

کابل کې چاودنې ۸۰ کسان وژلي او څه باندې ۳۵۰ یې ټپيان کړي

غني: د کابل وروستي موټر بم چاودنه کې شااوخوا ۱۵۰ تنه وژل شوي

کابل د اسلام اباد وروستۍ ادعاوې رد کړې

زکریا: د افغانستان د ناامنیو تر ټولو زيات اغېز پر پاکستان کېږي

په کابل کې د تېرې اوونۍ له خونړي برید وروسته د افغانستان د ملي امنیت عمومي ریاست وویل چې دا برید په پاکستان کې دېره حقاني شبکې د پاکستان د پوځي استخباراتو ISIپه مرسته کړې خو دا ادعا د اسلام‎اباد له‎خوا رد شوه.

دانش: حقاني شبکې په اړه د پاکستاني چارواکو څرګندونې غولونکې هڅه ده

ولسمشر غني د کابل د پروسې په غونډه کې چې د سې شنبې په ورځ په کابل کې جوړه شوه وویل چې په دې حمله کې څه باندې یو نیم سل کسان وژل شوي او له څلور سوو زیات ټپیان دي.

XS
SM
MD
LG