د لاسرسي لېنکونه

یکشنبه ۲۶ لیندۍ ۱۳۹۶ کابل ۰۶:۱۷

د وېسټ انډيز کرکټ لوبډلې افغانستان ته ماتې ورکړه


ویسټ انډيز په درېیمه شل اوریزه لوبه کې هم افغانستان ته ماتې ورکړه.

د لوبې پچه افغانستان وګټله او د توپ وهنې پرېکړه‌يې وکړه، افغان لوبډلې په ټاکلو شلو اورونو کې د ۶ وکټو په زیان سره خپلې سیالې لوبډلې ته د ۱۴۷ منډو هدف وټاکه.

نبي عیسي‌خېل په ۳۸ منډو او نورعلي ځډران په ۳۵ منډو د افغان لوبډلې دوه مخکښه توپ وهونکي و.

په ځواب کې د وېسټ انډيز لوبډلې ورکړل شوی هدف د لوبې په شلم اوور کې د ۳ وکټو په له لاسه ورکولو سره پوره کړ او افغانستان ته‌يې په ۷ وکټو ماتې ورکړه.

له شل اوریزو سیالیو وروسته دواړه لوبډلې به درې پنځوس اوریزې هم ولري چې لومړۍ لوبه به‌یې د جمعې په ورځ د جون په ۹مه نېټه وي.

XS
SM
MD
LG