د لاسرسي لېنکونه

جمعه ۲۸ تله ۱۳۹۶ کابل ۰۸:۴۷

روسیې د "م.م" امنیت شورا ته د سوریې په اړه مسوده رد کړه


روسیې د ملګروملتونو امنیت شورا ته د سوریې په اړه تازه وړاندې شوې مسوده رد کړه.

دا مسوده چې لویدیځ یې ملاتړ کاوه، په سوریه کې د تېرې اوونۍ د کیمیاوي وسلو د استعمال په ارتباط وه.

پرون دې مسودې ته چین د ایتوپیا او قزاقستان په څېر ممتنع رأیه ورکړه.

۱۰ هېوادونو د دې مسودې ملاتړ وکړ او بولیفیا د روسیې په شان دا مسوده رد کړه.

دا اتم ځل دی چې روسیه په امنیت شورا کې د ویټو له حقه استفاده کوي او د سوریې د ولسمشر بشارالاسد د رژیم پرضد مسوده ردوي.

دمشق او مسکو ادعا کوي چې د سوریې د یاغیانو تر واک لاندې ښار کې ټاکسک ګاز هغه وخت ملکیان ووژل چې د اپریل په څلورمه حکومت د یاغیانو تر واک لاندې د کیمیاوي وسلو یوه ډیپو بمباري کړه.

لویدیځ هېوادونه دا ادعا ردوي او وایي چې د بشارالاسد رژیم کیمیاوي وسلې استعمال کړي دي.

XS
SM
MD
LG