په هلمند کې د بهرنيو ځواکونو پر يوه مهمه پوځي اډه د طالبانو د بريد په وړاندې د ناکافي امنيتي تدابيرو له کبله دوه امريکايي پوځي مشران له دندو ليرې شول.
د سمندري ځواکونو د قول اردو قوماندان، پرون د امريکا دوه جنرالان له دې کبله له دندې ليرې کړل، چې تېر مېلادي کال په افغانستان کې د طالبانو له يوه خونړي بريد څخه د يوې لويې پوځي اډې په دفاع کې پاتې راغلي دي.
په هغه بريد کې دوه سمندري پوځيان ووژل شول او د پوځي اډې اته تنه کارکوونکي ټپيان شول، د پوځي تحقيقاتو له مخې د کمزورو امنيتي تدابيرو له کبله وسلوالو طالبانو په هلمند ولايت کې بسشن کمپ ته لار پيدا کړې وه.
د رويټرز اژانس په حواله، د څلور مياشتنيو تحقيقاتو د نتايجو له مخې په هغه وخت کې د سمندري ځواکونو عالي رتبه قوماندان تورنجنرال چارلز ګورګانوس (Major General Charles Gurganus) او تورنجنرال ګريګ ستورديوانت (Major General Gregg Sturdevant) د دې ګواښ په وړاندې د مقابلې او د خونديتوب په خاطر په کافي اندازه اقدامات نه وو کړي.
د سمندري ځواکونو يوه مقام رويټرز اژانس ته وويل، د دوشنبې په ورځ د سمندري ځواکونو د قول اردو قوماندان جنرال جيمز اموس (General James Amos) له دواړو پوځي مشرانو وغوښتل چې تقاعد وکړي، ده په شخصي ډول د امريکا په دفاع وزارت کې له ګورګانوس او د ويډيويي کنفرانس له لارې له ستورديوانت سره چې په بهر کې و، خبرې وکړي.
امريکايي چارواکي وايي دواړو پوځي مشرانو دا دستور ومانه. د افغانستان د دوولس کلنې جګړې پر مهال د يوې پوځي اډې په دفاع کې د پاتې راتلو له کبله تر اوسه دومره لوړ رتبه پوځي چارواکي له دندو نه وو ليرې شوي.
بسشن کمپ په هلمند کې د بريتانوي ځواکونو مهمه هوايي پوځي اډه چې د افغانستان په جنوب کې د امريکايي ځواکونو له کمپ ليدرنيک سره تړل شوې، چې د ناټو قواوو مرکزونه په کې دي.
د سمندري ځواکونو د قول اردو قوماندان، پرون د امريکا دوه جنرالان له دې کبله له دندې ليرې کړل، چې تېر مېلادي کال په افغانستان کې د طالبانو له يوه خونړي بريد څخه د يوې لويې پوځي اډې په دفاع کې پاتې راغلي دي.
په هغه بريد کې دوه سمندري پوځيان ووژل شول او د پوځي اډې اته تنه کارکوونکي ټپيان شول، د پوځي تحقيقاتو له مخې د کمزورو امنيتي تدابيرو له کبله وسلوالو طالبانو په هلمند ولايت کې بسشن کمپ ته لار پيدا کړې وه.
د رويټرز اژانس په حواله، د څلور مياشتنيو تحقيقاتو د نتايجو له مخې په هغه وخت کې د سمندري ځواکونو عالي رتبه قوماندان تورنجنرال چارلز ګورګانوس (Major General Charles Gurganus) او تورنجنرال ګريګ ستورديوانت (Major General Gregg Sturdevant) د دې ګواښ په وړاندې د مقابلې او د خونديتوب په خاطر په کافي اندازه اقدامات نه وو کړي.
د سمندري ځواکونو يوه مقام رويټرز اژانس ته وويل، د دوشنبې په ورځ د سمندري ځواکونو د قول اردو قوماندان جنرال جيمز اموس (General James Amos) له دواړو پوځي مشرانو وغوښتل چې تقاعد وکړي، ده په شخصي ډول د امريکا په دفاع وزارت کې له ګورګانوس او د ويډيويي کنفرانس له لارې له ستورديوانت سره چې په بهر کې و، خبرې وکړي.
امريکايي چارواکي وايي دواړو پوځي مشرانو دا دستور ومانه. د افغانستان د دوولس کلنې جګړې پر مهال د يوې پوځي اډې په دفاع کې د پاتې راتلو له کبله تر اوسه دومره لوړ رتبه پوځي چارواکي له دندو نه وو ليرې شوي.
بسشن کمپ په هلمند کې د بريتانوي ځواکونو مهمه هوايي پوځي اډه چې د افغانستان په جنوب کې د امريکايي ځواکونو له کمپ ليدرنيک سره تړل شوې، چې د ناټو قواوو مرکزونه په کې دي.