د امریکا د بهرنیو چارو وزارت د افغانستان په شمول په ټوله نړۍ کې د تروریزم پر ضد د مبارزې په اړه خپل کلنی راپور خپور کړی دی . په دې راپور کې ویل شوي دي چې په تیر یو کال کې په افغانستان کې ډير تلفات د سړک د غاړې د ماینونو او ځای پرځای شویو بمونو د چادونو له کبله و چې لا هم نړیوالو او افغان ځواکونو ته د خطر سرچینه ده .
د امریکا د بهرنیو چارو د وزارت په کلني راپور کې راغلي چې په ۲۰۱۱ م کال کې په افغانستان کې له پنځوسو زیات تروریستي بریدونه شوي دي . په دې راپور کې بیلابیلې هغه پېښې څیړل شوي دي چې جدي تلفات یې اړولي دي .
په دې لړ کې راپور په جلال اباد کې د کابل بانک پرڅانګه برید ، په هرات او کندهار ښارونو کې بریدونه چې ددې ښار ښاروال غلام حیدرحمیدي په کې ووژل شو ،کابل کې پر بریټش کونسل برید ، د امریکا پر سفارت برید، هغه ځان وژونکي حمله چې د سولې د عالي شورا مشر برهان الدین رباني یې وواژه ، د عاشورا د ورځې چاودنه او نور بریدونه چې هر یو یې جدي تلفات اړولي یاد شوي دي .
په راپور کې ویل شوي دي چې د برهان الدین رباني له وژل کیدو وروسته افغان حکومت د داسې پېښو د مخنیوي او لوړپوړو حکومتي چارواکو د خوندیتوب لپاره تدابیر زیات کړي چې په دې لړ کې د پګړۍ تالاشي او د ولسمشرۍ د ماڼۍ شا او خوا اټینګ امنیتي تدابیر یاد شوي دي .
د امریکا د بهرنیو چارو د وزارت په وینا ، افغانستان د امنیتي وضعې د ښه کیدو او د تروریستي بریدونو د مخنیوي لپاره ، د قانون د نفاذ ، ملي، سیمه ایزو او نړیوالو هڅو په برخه کې پراخ ګامونه اخیستي دي . او د بنسټ پالنې پرضد یې د پوهاوي په برخه کې هم اقدام کړی دی .
پر عدلي او قضايي سيسټم ورکشاپ:
راپور وايي د ۲۰۱۱ م کال د ډیسمبر له اتلسمې نیټې تر یو ویشتمې پورې په کابل کې مهم ورکشاپ جوړ شو چې په دې هیواد کې د جزا پر نوي قانون متمرکز و . په دې سیمنار کې په عدلي او قضايي برخه کې موثرې لارښونې وشوې .
راپور وايي ، په افغانستان کې د خلکو د ګرځیدو او سفر په برخه کې افغان حکومتي جدي امنیتي اقدامات کړي دي او د امریکا او نورو مرستندویه هیوادونو په همکارۍ یې د ظرفیتونو د لوړولو لپاره هم کار کړی دی .
راپور وايي ، امریکا او افغانستان په ګډه د یو شمیر تروریسي قضیو په اړه څېړنې کړي او او د امریکا ځینو ادارو په دې برخه کې د افغانستان د کورنیو چارو وزارت ته د کارمعلومات ورکړي دي .
د امریکا د بهرنیو چارو وزارت وايي چې د تروریستي سازمانونو د مالي سرچینو د محدودولو لپاره هم افغان حکومت د خپلو نړیوالو ملاتړو په مرسته ځینې اقدامات کړي دي . څو بنسټ پالي سازمانونه له مالي سرچینو بې برخې کړي .
په سیمه ایزه برخه کې راپور وايي چې افغانستان له ګاونډي هیواد پاکستان سره د سولې یو ګډ کمیسون جوړ کړی دی او په همدې ډول د افغانستان ، امریکا او پاکستان یوه درې اړخیزه ډله هم جوړه شوې ده .
پر دې سربیره په جنوبي اسیا او ترکیه کې د سیمه ایزو همکاریو کنفرانسونه جوړ شول چې افغانستان په کې مهم رول درلود چې د شمال له ګاونډیو تاجکستان او روسیې سره یې هم ګډې کاري ډلې جوړې کړې.
راپور د بن د دویم کنفرانس یادونه کوي چې په کې سل هیوادونو او نړیوالو سازمانونه برخه لرله او په کې د تروریزم پر ضد پر سیمه ایزې مبارزې ټینګار وشو. افغانستان ددې کنفرانس مشري کوله .
د امریکا د بهرنیو چارو وزارت په دې راپور کې زیاتوي چې افغانستان له ایساف او نړیوالو شریکانو سره د ظرفیت د پیاوړي کولو ، ښونې او روزنې او د تروریزم ضد مبارزه کې د همکاریو په برخه کې هم موثر ګامونه اخیستي دي .
د ناټو د غړیو او د سیمې د هیوادونو سره د ستراتیژیکو همکاریو تړونونه هم د افغانستان لپاره مهمه لاس ته راوړنه وه چې د راپور په وینا د تروریزم ضد مبارزه کې مهم رول لري .
راپور زیات وي چې افغانستان د سخت دریځې د افکارو د پراختیا د مخنیوي لپاره هم یو لړ پروګرامونه په پام کې لري چې د حج او اوقافو او پوهنې له وزارتونو یې غوښتي چې پر مدرسو او جوماتونو څارنه وکړي او په دې برخه کې یو ځانګړی پروګرام عملي کړي .
ولسمشر کرزي د ملي امنیت شورا ته امر کړی چې پر ناثبت شویو مدرسو څارنه زیاته کړي څو په کې سخت دریځي تدریس نه شي .
راپور وايي د سولې او د د ټیټ پوړو او منځنۍ کچې د طالبانو چې د افغانستان اساسي قانون مني ، مدني او د ښځو حقونو ته درناوی کوي او له القاعده سره اړیکې شکوي د جذب او پخلاینې پروګرام هم سخت دریځې کړۍ محدودې کړي دي .
د امریکا د بهرنیو چارو د وزارت په کلني راپور کې راغلي چې په ۲۰۱۱ م کال کې په افغانستان کې له پنځوسو زیات تروریستي بریدونه شوي دي . په دې راپور کې بیلابیلې هغه پېښې څیړل شوي دي چې جدي تلفات یې اړولي دي .
په دې لړ کې راپور په جلال اباد کې د کابل بانک پرڅانګه برید ، په هرات او کندهار ښارونو کې بریدونه چې ددې ښار ښاروال غلام حیدرحمیدي په کې ووژل شو ،کابل کې پر بریټش کونسل برید ، د امریکا پر سفارت برید، هغه ځان وژونکي حمله چې د سولې د عالي شورا مشر برهان الدین رباني یې وواژه ، د عاشورا د ورځې چاودنه او نور بریدونه چې هر یو یې جدي تلفات اړولي یاد شوي دي .
په راپور کې ویل شوي دي چې د برهان الدین رباني له وژل کیدو وروسته افغان حکومت د داسې پېښو د مخنیوي او لوړپوړو حکومتي چارواکو د خوندیتوب لپاره تدابیر زیات کړي چې په دې لړ کې د پګړۍ تالاشي او د ولسمشرۍ د ماڼۍ شا او خوا اټینګ امنیتي تدابیر یاد شوي دي .
د امریکا د بهرنیو چارو د وزارت په وینا ، افغانستان د امنیتي وضعې د ښه کیدو او د تروریستي بریدونو د مخنیوي لپاره ، د قانون د نفاذ ، ملي، سیمه ایزو او نړیوالو هڅو په برخه کې پراخ ګامونه اخیستي دي . او د بنسټ پالنې پرضد یې د پوهاوي په برخه کې هم اقدام کړی دی .
پر عدلي او قضايي سيسټم ورکشاپ:
راپور وايي د ۲۰۱۱ م کال د ډیسمبر له اتلسمې نیټې تر یو ویشتمې پورې په کابل کې مهم ورکشاپ جوړ شو چې په دې هیواد کې د جزا پر نوي قانون متمرکز و . په دې سیمنار کې په عدلي او قضايي برخه کې موثرې لارښونې وشوې .
راپور وايي ، په افغانستان کې د خلکو د ګرځیدو او سفر په برخه کې افغان حکومتي جدي امنیتي اقدامات کړي دي او د امریکا او نورو مرستندویه هیوادونو په همکارۍ یې د ظرفیتونو د لوړولو لپاره هم کار کړی دی .
راپور وايي ، امریکا او افغانستان په ګډه د یو شمیر تروریسي قضیو په اړه څېړنې کړي او او د امریکا ځینو ادارو په دې برخه کې د افغانستان د کورنیو چارو وزارت ته د کارمعلومات ورکړي دي .
د امریکا د بهرنیو چارو وزارت وايي چې د تروریستي سازمانونو د مالي سرچینو د محدودولو لپاره هم افغان حکومت د خپلو نړیوالو ملاتړو په مرسته ځینې اقدامات کړي دي . څو بنسټ پالي سازمانونه له مالي سرچینو بې برخې کړي .
په سیمه ایزه برخه کې راپور وايي چې افغانستان له ګاونډي هیواد پاکستان سره د سولې یو ګډ کمیسون جوړ کړی دی او په همدې ډول د افغانستان ، امریکا او پاکستان یوه درې اړخیزه ډله هم جوړه شوې ده .
پر دې سربیره په جنوبي اسیا او ترکیه کې د سیمه ایزو همکاریو کنفرانسونه جوړ شول چې افغانستان په کې مهم رول درلود چې د شمال له ګاونډیو تاجکستان او روسیې سره یې هم ګډې کاري ډلې جوړې کړې.
راپور د بن د دویم کنفرانس یادونه کوي چې په کې سل هیوادونو او نړیوالو سازمانونه برخه لرله او په کې د تروریزم پر ضد پر سیمه ایزې مبارزې ټینګار وشو. افغانستان ددې کنفرانس مشري کوله .
د امریکا د بهرنیو چارو وزارت په دې راپور کې زیاتوي چې افغانستان له ایساف او نړیوالو شریکانو سره د ظرفیت د پیاوړي کولو ، ښونې او روزنې او د تروریزم ضد مبارزه کې د همکاریو په برخه کې هم موثر ګامونه اخیستي دي .
د ناټو د غړیو او د سیمې د هیوادونو سره د ستراتیژیکو همکاریو تړونونه هم د افغانستان لپاره مهمه لاس ته راوړنه وه چې د راپور په وینا د تروریزم ضد مبارزه کې مهم رول لري .
راپور زیات وي چې افغانستان د سخت دریځې د افکارو د پراختیا د مخنیوي لپاره هم یو لړ پروګرامونه په پام کې لري چې د حج او اوقافو او پوهنې له وزارتونو یې غوښتي چې پر مدرسو او جوماتونو څارنه وکړي او په دې برخه کې یو ځانګړی پروګرام عملي کړي .
ولسمشر کرزي د ملي امنیت شورا ته امر کړی چې پر ناثبت شویو مدرسو څارنه زیاته کړي څو په کې سخت دریځي تدریس نه شي .
راپور وايي د سولې او د د ټیټ پوړو او منځنۍ کچې د طالبانو چې د افغانستان اساسي قانون مني ، مدني او د ښځو حقونو ته درناوی کوي او له القاعده سره اړیکې شکوي د جذب او پخلاینې پروګرام هم سخت دریځې کړۍ محدودې کړي دي .