ناامني، د عامه پوهاوي ټیټوالی، د خلکو نه پاملرنه او د واکسين د رضاکارانو بېغورۍ هغه لاملونه دي چې په سویلی حوزه کې یې د ماشومانو د ګوزڼ، پولیو يا فلج پېښې زیاتې کړې دي.
د کندهار دعامی روغتیا ریيس ډاکټر عبدالقیوم پخلا د شنبی په ورځ په دې ولایت کې د ګوزڼ یا فلج د واکسین د پیل پرمهال وویل چې سږ کال په کندهار او هلمند ولایتونو کی د ماشومانو د فلج ۱۹ پېښې ثبتې شوي چې دا تېرکال په پرتله زیاتوالی ښیي.
د ښاغلی پخلا په خبره د یادو ۱۹ پیښو لس د کندهار په شپږو ولسوالیو او ۹ نورې په هلمند ولایت کې ثبتې شوې دي:
”د ګوزڼ پیښې زیاتي شوي، لس دکندهار په شپږو ولسوالیو شاه ولی کوټ، ډنډ، میوند او پنجوایې کې او نهه پیښې د هلمند ولايت په موسی کلا، سنګین او نهرالسراج ولسواليو کې ثبت شوې دي“
د کندهار د عامې روغتيا ریيس د جنوبي حوزې له ملا امامانو ، قومي مشرانو او ټولو کورنیو وغوښتل چې د پوليو د واکسين په کمپاين کې مرسته وکړي او خپل ماشومان له دې خطرناکی ناروغۍ څخه وژغوری.
په جنوبي حوزه کې د پوليو واکسين د شنبې په ورځ پيل شو چې د درو ورځو په ترڅ کې به له یو مليون څخه زیات د پنځو کلونو څخه دکم عمر ماشومانو واکسين کړي.
محمدصادق رښتینی/کندهار
د کندهار دعامی روغتیا ریيس ډاکټر عبدالقیوم پخلا د شنبی په ورځ په دې ولایت کې د ګوزڼ یا فلج د واکسین د پیل پرمهال وویل چې سږ کال په کندهار او هلمند ولایتونو کی د ماشومانو د فلج ۱۹ پېښې ثبتې شوي چې دا تېرکال په پرتله زیاتوالی ښیي.
د ښاغلی پخلا په خبره د یادو ۱۹ پیښو لس د کندهار په شپږو ولسوالیو او ۹ نورې په هلمند ولایت کې ثبتې شوې دي:
”د ګوزڼ پیښې زیاتي شوي، لس دکندهار په شپږو ولسوالیو شاه ولی کوټ، ډنډ، میوند او پنجوایې کې او نهه پیښې د هلمند ولايت په موسی کلا، سنګین او نهرالسراج ولسواليو کې ثبت شوې دي“
د کندهار د عامې روغتيا ریيس د جنوبي حوزې له ملا امامانو ، قومي مشرانو او ټولو کورنیو وغوښتل چې د پوليو د واکسين په کمپاين کې مرسته وکړي او خپل ماشومان له دې خطرناکی ناروغۍ څخه وژغوری.
په جنوبي حوزه کې د پوليو واکسين د شنبې په ورځ پيل شو چې د درو ورځو په ترڅ کې به له یو مليون څخه زیات د پنځو کلونو څخه دکم عمر ماشومانو واکسين کړي.
محمدصادق رښتینی/کندهار