د امريکا حکومت وايي القاعده اوس هم د دغه هېواد لپاره تر ټولو لوى تروريستي ګواښ ګڼل کېږي، ځکه دا ډله په افغانستان او پاکستان کې له نورو سخت دريځو ګروپونو سره همکاري کوي.
د امريکا د بهرنيو چارو وزارت د نړيوال ټروريزم په باب په خپل کلني راپور کې ويلي، که څه هم د القاعده شبکې کليدي غړي په پاکستان کې کمزوري شوي، خو دا ډله لا هم د سيمې او نړۍ په کچه د تروريستي بريدونو ځواک لري.
په راپور کې راغلي، د القاعده او د هغې د پاکستاني متحدانو لکه تحريک طالبان پاکستان او حقاني شبکې ترمنځ د منابعو د شريکولو زياتېدل دا معنى لري چې په جنوبي اسيا کې تروريستي ګواښ اوس هم په لوړه کچه پاتې دى.
راپور د ٢٠١٠ م کال په باب دى، يعنې مخکې تر دې چې په مې مياشت کې د امريکا ځواکونه د القاعده شبکې مشر په پاکستان کې ووژني.
په راپور کې د ايران، سوريې، سوډان او کيوبا نومونه هم اخيستل شوي، چې د امريکا په باور دغه هېوادونه ټروريزم تقويه کوي.
د راپور پر اساس، ايران په ٢٠١٠ م کال کې د ټروريزم ډېر فعال ملاتړى و، چې په منځني ختيځ او مرکزي اسيا کې يې په مالي، مادي او لوژستيکي لحاظ د سخت دريځو ډلو ملاتړ کاوه.
د امريکا د بهرنيو چارو وزارت د نړيوال ټروريزم په باب په خپل کلني راپور کې ويلي، که څه هم د القاعده شبکې کليدي غړي په پاکستان کې کمزوري شوي، خو دا ډله لا هم د سيمې او نړۍ په کچه د تروريستي بريدونو ځواک لري.
په راپور کې راغلي، د القاعده او د هغې د پاکستاني متحدانو لکه تحريک طالبان پاکستان او حقاني شبکې ترمنځ د منابعو د شريکولو زياتېدل دا معنى لري چې په جنوبي اسيا کې تروريستي ګواښ اوس هم په لوړه کچه پاتې دى.
راپور د ٢٠١٠ م کال په باب دى، يعنې مخکې تر دې چې په مې مياشت کې د امريکا ځواکونه د القاعده شبکې مشر په پاکستان کې ووژني.
په راپور کې د ايران، سوريې، سوډان او کيوبا نومونه هم اخيستل شوي، چې د امريکا په باور دغه هېوادونه ټروريزم تقويه کوي.
د راپور پر اساس، ايران په ٢٠١٠ م کال کې د ټروريزم ډېر فعال ملاتړى و، چې په منځني ختيځ او مرکزي اسيا کې يې په مالي، مادي او لوژستيکي لحاظ د سخت دريځو ډلو ملاتړ کاوه.