د امریکا کانګرس چې یو وخت یې د افغانستان جمهور رییس حامد کرزي ته د یوه قهرمان په توګه تود هرکلی ویلی و، داسې بریښي، چې د کابل او واشنګټن تر منځ د وروستي سیاسي تاوتریخوالي او ناندرو له وجې ممکن دا ځل د وکیلانو احساسات بل ډول وي.
د کانګرس د ځینو وکیلانو په وینا، دوی به په دې مسالې غور وکړي، چې آیا د افغانستان له جګړې څخه ملاتړ د امریکا په دومره ستر مالي لګښت ارزي؟
جمهور ریس بارک اوباما له کانګرس څخه غوښتي، چې د افغانستان لپاره دې نور ۳۳ میلیارده ډالر هم تصویب کړي تر څو دې هېواد ته د اضافي دېرشو زروعسکرو لګښتونه پرې پوره کړي او څلور نیم میلیارده ډالر به د افغانستان د بیا رغووني او ملکی پروژو لپاره بیل کړي.
خو د جمهور رییس اوباما دې غوښتنې ته تر اوسه کانګرس مثبت ځواب نه دی ویلی او نورو کورنیو مسلو او لګښتونو ته ترجیح ورکوي.
د امریکا په کانګرس کې د ډموکراټ ګوند وکیله نیتا لویي وایي، جمهور رییس کرزی باید زیار وباسي او د کانګرس غړي قانع کړي، چې دی دا توان او ظرفیت لري، چې د امریکا یو بااعتباره دوست او شریک به وي.
نیتا د کانګرس د هغې فرعې کمیټې مشره ده، چې افغانستان ته د جمهور رییس اوباما د اضافي عسکرو او ملکي کارپوهانو د لګښتونو او بودجې څار کوي.
په ۲۰۰۴ میلادي کال کې د امریکا کانګرس د جمهور رییس کرزي تود هرکلی کړی و او هغه مهال نوموړی د موقت حکومت مشر و.
ښاغلي کرزي هغه مهال د امریکا کانګرس ته وینا کړې وه او د نوي افغانستان د جوړولو قوي اراده یې څرګنده کړي وه. د امریکا کانګرس ته د وینا لپاره یوازي خاص بهرني مشران بلل کیږي.
څه موده وړاندې جمهور رییس کرزي واشنګټن ماڼیجن کړ او لویدیځ هیوادونه یې د افغانستان د جمهوري ریاست په انتخاباتو کې په لاس وهنو او درغلیو تورن کړل.
سپینې ماڼۍ د جمهور رییس کرزي دا تورنه رد کړل او خواشینونکي یې وبلل. کرزي دغه راز د ایران جمهور رییس محمود احمدي نژاد چې د امریکا نه دی خوښ، هم کابل ته را وباله او احمدي نژاد د کابل له ارګ نه په امریکا باندې لفظې حملې وکړي.
رویترز لیکي، د جمهور رییس کرزي او سپینې ماڼۍ تر منځ تاوتریخوالی کم شوی او لانجه یې هواره شوې، خو د افغانستان جمهور رییس، چې د دوشنبې په ورځ به واشنګټن ته ورسیږی او له ښاغلي اوباما سره به هم وګوري، د کانګرس د وکیلانو له سختو او ستغو پوښتنو سره ممکن مخامخ شي.
د جمهور رییس اوباما اداره هیله منه ده، چې کرزی به د کانګرس غړیو ته قناعت ورکړي او هغوي به د افغانستان د جګړي بودجه تصویب کړي.
خو سږکال په کانګرس کې د ډموکراټ ګوند وکیلان د بودجې په تصویب زیاته عجله نه کوي او پام یې د اقتصادي او روغتیایي مسلو پشمول، نورو کورنیو اولیتونو ته اړولی دی.
په کانګرس کې د ډموکرات ګوند یو لږ شمېر وکیلان له افغانستان څخه د امریکایي عسکرو د وتلو غوښتنه کوي.
د امریکا په کانګرس کې د ډموکرات ګوند سناتور او د بهرنیو اړیکو د کمیتې مهم غړي رابرټ مینندیز وایي، دی به له ښاغلی کرزي نه د هغو تورونو په اړه پوښتنه وکړي، چې ده په انتخاباتو کې د درغلیو په اړه په امریکا باندې وارد کړي دي.
جمهوریت غوښتونکي سناتوره سوزان کولینس وایي، جمهور رییس کرزی باید د اداری فساد د له منځه وړلو یو څرګند پلان وړاندې کړي.
سناتوره سوزان وایي، زه جمهور رییس کرزي ته ز یات احترام لرم او په دې هم پوهیږم چې ده ته ډیره سخته دنده تر غاړي ده خو د ده په حکومت کې اداري فساد ډېر زیات دی او حتی د ځینو ادعاو په اساس، د ده ورور هم په فساد کې لاس لري.
د امریکا په کانګرس کې د وسله والو خدمتونو د کمیټې مشر سناتور کارل لیفن وایي، د جمهور رییس کرزي د دې هڅو ملاتړ باید وشي، چې غواړي د ټیټې سطحې طالب وسله وال جزب کړي.
سناتور لیفن وایي، جمهور رییس کرزی په دې کار کې مخته شوی او په اصطلاح دی د موټر اکسلیټر دی خو مونږ یې د بریک ځای نیولی دی.
د کانګرس د ځینو وکیلانو په وینا، دوی به په دې مسالې غور وکړي، چې آیا د افغانستان له جګړې څخه ملاتړ د امریکا په دومره ستر مالي لګښت ارزي؟
جمهور ریس بارک اوباما له کانګرس څخه غوښتي، چې د افغانستان لپاره دې نور ۳۳ میلیارده ډالر هم تصویب کړي تر څو دې هېواد ته د اضافي دېرشو زروعسکرو لګښتونه پرې پوره کړي او څلور نیم میلیارده ډالر به د افغانستان د بیا رغووني او ملکی پروژو لپاره بیل کړي.
خو د جمهور رییس اوباما دې غوښتنې ته تر اوسه کانګرس مثبت ځواب نه دی ویلی او نورو کورنیو مسلو او لګښتونو ته ترجیح ورکوي.
د امریکا په کانګرس کې د ډموکراټ ګوند وکیله نیتا لویي وایي، جمهور رییس کرزی باید زیار وباسي او د کانګرس غړي قانع کړي، چې دی دا توان او ظرفیت لري، چې د امریکا یو بااعتباره دوست او شریک به وي.
نیتا د کانګرس د هغې فرعې کمیټې مشره ده، چې افغانستان ته د جمهور رییس اوباما د اضافي عسکرو او ملکي کارپوهانو د لګښتونو او بودجې څار کوي.
په ۲۰۰۴ میلادي کال کې د امریکا کانګرس د جمهور رییس کرزي تود هرکلی کړی و او هغه مهال نوموړی د موقت حکومت مشر و.
ښاغلي کرزي هغه مهال د امریکا کانګرس ته وینا کړې وه او د نوي افغانستان د جوړولو قوي اراده یې څرګنده کړي وه. د امریکا کانګرس ته د وینا لپاره یوازي خاص بهرني مشران بلل کیږي.
څه موده وړاندې جمهور رییس کرزي واشنګټن ماڼیجن کړ او لویدیځ هیوادونه یې د افغانستان د جمهوري ریاست په انتخاباتو کې په لاس وهنو او درغلیو تورن کړل.
سپینې ماڼۍ د جمهور رییس کرزي دا تورنه رد کړل او خواشینونکي یې وبلل. کرزي دغه راز د ایران جمهور رییس محمود احمدي نژاد چې د امریکا نه دی خوښ، هم کابل ته را وباله او احمدي نژاد د کابل له ارګ نه په امریکا باندې لفظې حملې وکړي.
رویترز لیکي، د جمهور رییس کرزي او سپینې ماڼۍ تر منځ تاوتریخوالی کم شوی او لانجه یې هواره شوې، خو د افغانستان جمهور رییس، چې د دوشنبې په ورځ به واشنګټن ته ورسیږی او له ښاغلي اوباما سره به هم وګوري، د کانګرس د وکیلانو له سختو او ستغو پوښتنو سره ممکن مخامخ شي.
د جمهور رییس اوباما اداره هیله منه ده، چې کرزی به د کانګرس غړیو ته قناعت ورکړي او هغوي به د افغانستان د جګړي بودجه تصویب کړي.
خو سږکال په کانګرس کې د ډموکراټ ګوند وکیلان د بودجې په تصویب زیاته عجله نه کوي او پام یې د اقتصادي او روغتیایي مسلو پشمول، نورو کورنیو اولیتونو ته اړولی دی.
په کانګرس کې د ډموکرات ګوند یو لږ شمېر وکیلان له افغانستان څخه د امریکایي عسکرو د وتلو غوښتنه کوي.
د امریکا په کانګرس کې د ډموکرات ګوند سناتور او د بهرنیو اړیکو د کمیتې مهم غړي رابرټ مینندیز وایي، دی به له ښاغلی کرزي نه د هغو تورونو په اړه پوښتنه وکړي، چې ده په انتخاباتو کې د درغلیو په اړه په امریکا باندې وارد کړي دي.
جمهوریت غوښتونکي سناتوره سوزان کولینس وایي، جمهور رییس کرزی باید د اداری فساد د له منځه وړلو یو څرګند پلان وړاندې کړي.
سناتوره سوزان وایي، زه جمهور رییس کرزي ته ز یات احترام لرم او په دې هم پوهیږم چې ده ته ډیره سخته دنده تر غاړي ده خو د ده په حکومت کې اداري فساد ډېر زیات دی او حتی د ځینو ادعاو په اساس، د ده ورور هم په فساد کې لاس لري.
د امریکا په کانګرس کې د وسله والو خدمتونو د کمیټې مشر سناتور کارل لیفن وایي، د جمهور رییس کرزي د دې هڅو ملاتړ باید وشي، چې غواړي د ټیټې سطحې طالب وسله وال جزب کړي.
سناتور لیفن وایي، جمهور رییس کرزی په دې کار کې مخته شوی او په اصطلاح دی د موټر اکسلیټر دی خو مونږ یې د بریک ځای نیولی دی.