د امریکا متحدو ایالتونو پرون جمعه د روسیې د انرژۍ پر سکټور پراخ بندیزونه ولګول.
د امریکا منتخب ولسمشرډونالډ ټرمپ وایي، د روسیې له ولسمشرولادمیرپوتین سره د ده د کتنې پرتنظیمولو کارروان دی. هغه وویل، پوتین د دې کتني غوښتونکی دی او دی هم دا غواړي، ترڅو په اوکراین کې روانه جګړه پای ته ورسول شي. کریملین وویل چې ولسمشرپوتین هم تیاردی چې له کوم قید او شرط پرته له ټرمپ سره وګوري.
د اوکرایین په چارو کې د امریکا د منتخب ولسمشر ډونالډ ټرمپ ځانګړی استازی وايي، په هغو حل لارو کې چې پر بنسټ يې د ا وکرایین د جګړې د پای ته رسیدو هڅې کیږي، د دې هېواد ګټې په پام کې نیول کیږي. کیت کیلوګ ویلي، دغه حل لارې به عادلانه وي.
د سوریې لپاره د ملګرو ملتونو ځانګړي استازي ګییر پیدرسن د ملګرو ملتونو د امنیت شورا په غونډه کې د چهارشنبې په ورځ د هغو هڅو ستاینه وکړه چې پر سوریې د بندیزونو د لرې کیدو سبب شوې دي. په ورته وخت کې ښاغلي پیدرسن له نړیوالو وغوښتل چې د سوریې مځکنۍ بشپړتیا ته درناوی وکړي.
وروسته له هغه چې د امریکا د استازو د جرګې د بورچټ ټیم غړو د امریکا له خوا له افغانستان سره مرسته، چې د دوی د ادعا له مخې طالبانو ته استول کیږي، د بندیدو غوښتنه وکړه. د امریکا منتخب ولسمشر طالبانو ته دده په وینا د امریکا له خوا"د ملیاردونو ډالرو " استول د "نه منلو وړ" بللي دي.
د امریکا د ولسمشر جو بایډن اداره په افغانستان کې د طالبانو سره، ددې ډلې د حد اقل یو بندي په بدل کې د امریکايي زندانیانو د خوشې کیدو په اړه د خبرو په حال کې ده. دا خبره د والسټریټ ژورنال امریکايي ورځپاڼې په یو راپور کې کړي.
د کانګرس د ګډې جرګې مشري د امریکا اوسنۍ مرستیال ولسمشرې او په ټاکنو کې د ډونالډ ټرمپ سیالې کمالا هریس کوله. اغلې هریس د امریکا د راتلونکي ولسمشر په توګه د ۳۱۲ ټاکنیزو پلاوو په ګټلو د ډونالډ ټرمپ بریا تصدیق کړه. هغې همدارنګه د ۲۲۶ ټاکنیزو پلاویو په ترلاسه کولو خپله ماته هم تایید کړه.
د امریکا د منتخب ولسمشر ډونالډ ټرمپ د نږدې متحد ایان مسک او د جرمني د صدراعظم اولاف شولڅ ترمنځ لفظي شخړه اوج ته رسېدلې.
د سوریې د هوايي چلن چارواکو ډاډ ورکړی چې د نړۍ له بېلابېلو هېوادونو څخه په دمشق او حلب ښارونو کې د الوتنو هرکلي ته چمتووالی لري.
په غزه کې یو وار بیا د لسګونو کسانو د وژل کېدو خبرونه ورکړل شوي، له بلې خوا د فلسطینیانو په دغه قلمرو کې د اوربند د ټینګښت لپاره مذاکرې پیل شوي دي.
د جرمني او فرانسې د بهرنیو چارو وزیرانو نن په پلازمینه دمشق کې د سوریې له نوي مشر احمد الشرع سره وکتل او هغه ته یې وویل چې اروپایي ټولنه له سوریې سره د نویو اړیکو د ټنیګولو هیله لري.
نور راوښيه
