افغانستان

شاوخوا ۲۶۰۰ افغانان له پاکستانه جرمني ته لیږدي

د جرمني بیلډ ورځپاڼې راپور ورکړی چې د جرمني د کورنیو چارو وزارت ویلي دي چې په شپاړس الوتکو کې به ۲۶۰۰ افغان کډوال له اسلام اباد نه جرمني ته انتقال کړي.

ملګري ملتونه وايي راستانه شوي افغان کډوالو بیړنیو بشري مرستو ته اړمن دي

د خوړو نړیوال پروګرام وايي، په افغانستان کې د انفلاسیون کچه مخ په لوړېدو ده او ډیری هغه افغانان چې له پاکستانه ستانه شوي بیړنیو بشري مرستو ته اړتیا لري. ډبلیو ایف پي په خپل میاشتني راپور کې ویلي د متحده ایالاتو د بشردوستانه مرستو ځنډ د افغانستان د زيانمنو وګړو د خوراکي خونديتوب لپاره ستر ګواښ دی.

د کریکټ نړیواله شورا د افغان ښځینه کریکټرانو ملاتړ ته ځانګړې کاري ډله ګوماري؛ د کریکټ فعالان يې هرکلی کوي

د کرېکټ نړیواله شورا وايي د افغانستان د کرکټ د ښځینه لوبغاړو د ملاتړ لپاره ځانګړې کاري ډله او مالي صندوق رامنځته کوي.

ځینې زده کوونکي وايي د طالبانو نوی جبري یونیفورم به دوی له زده کړو زړه توري کړي

یو شمېر زده کوونکي او کورنۍ یې وایي، د طالبانو حکومت یې یونیفورم بدل او جبري کړی دی.

ملګري ملتونه: د کابل ښاریانو لوی اکثریت غیر پلاني کورونو کې اوسیږي

له امریکا د زرګونو افغان کډوال د ایستلو اقدام ګڼ کسان اندېښمن کړي

په واشنګټن کې د امریکا-اسلامي اړیکو شورا د ولسمشر ډونالډ ټرمپ د ادارې پر هغه اقدام کلکې نیوکې کړي چې له مخې یې د افغانستان او کامرون د زرګونو اتباعو لپاره د  "لنډمهاله محافظتي استوګنې" یا "ټي‌پي‌اېس پروګرام لغوه کړی دی.

ملاهیبت الله پر اعدامونو ټینګار کوي؛ بشري فعالان یې د انساني کرامت سره په ټکر کې بولي

په افغانستان کې د طالبانو حکومت له خوا ورستیو اعدامونو ته تر پراخو نړیوالو غبرګونونو ورسته د طالبانو مشر ملا هبت الله د ده په خبره قصاص د شریعت یو امر بللی او پر عملي کېدو یې ټینګار کړی دی. د طالبانو حکومت د اپریل په لسمه د افغانستان په بېلابېلو ولایتونو کې ۴ کسان په عام محضر کې اعدام کړل

پاکستان د افغان کډوالو کورنۍ نیمايي سره وېشلي

په پاکستان کې میشت یو شمیر افغان کډوال وايي، د کډوالو د اېستلو د غیر منظم اقدام له امله یې کورنۍ ویشل شوي دي. دوی ازادي راډیو سره خبرو کې زیاته کړه چې د بېلابیلو کورنیو غړي نیم په پاکستان کې پاتې دي او نیم افغانستان ستانه کړل شوي دي.

د طالبانو په ضد یوشمېر معترضې میرمنې له پاکستانه د اخراجېدو ویره لري

بهر ته تلونکي افغان کډوال په پاکستان کې سخت اندېښمن دي

له پاکستانه د افغان پناه غوښتونکو د ویستلو اعلان په دې هیواد کې میشت زرګونه افغان پناه غوښتونکې سخت اندېښمن کړي دي. دغه افغان پناه غوښتونکي چې درېیمو هیوادونو ته د تګ کیسونه لري وايي په افغانستان کې یې ژوند د مرګ له او په پاکستان کې د اخراج له خطر سره مخ دي.

د اپرېل تر لسمې ۴۵ زره افغانان له پاکستانه ایستل شوي

د ملګرو ملتونو د کډوالو عالي کمشنرۍ یو این ایچ سي ار ویلي چې د اپریل په لومړیو لسو ورځو کې نږدې ۴۵ زره افغان کډوال له پاکستانه ایستل شوي دي. دغې کمشنرۍ په خپل تازه راپور کې ویلي چې په دې شمېر کې له ۱۴ زره ډېر یې په جبري ډول ستانه کړای شوي دي.

له لوږې سره مخ افغانستان به د امریکا د مرستو په بندېدو لا پسې وځپل شي

د خوړو نړیوال پروګرام (WFP) وايي د امریکا د مرستو بندېدل به په افغانستان کې چې واردمخه له پراخې لوږې سره مخ دی وضعیت لا پسې خرابه کړي. په افغانستان کې د خوړو نړیوال پروګرام مشرې، موتینتا چیموکا، ای اېف پي ته وویل مرستندویان باید له افغانستان سره چې له لوی بشري ناورین سره مخ دی مرسته وکړي.