د طالبانو حکومت په تېرې شاوخوا یوه اوونۍ کې نږدې ۴۰ تنه په عام محضر کې په دُرو وهلي دي.
په عام محضر کې د طالبانو له لوري د سړو او ښځو په دُرو وهل چې د طالبانو حکومت یې "تعزیزي مجازات" بولي خلک اندېښمن کړي دي.
"طالبان له واک ته رسېدو وروسته بشري حقونو او د ښځو حقونو ته درناوی نهکوي، ورځ تربلې سنګسار، وژنې او فشارونه زیاتیږياختر راسخ
د طالبانو د حکومت د سترې محکمې د خبرپاڼو لهمخې د ازادي راډيو موندنې ښيي چې، د طالبانو حکومت په تېرې شاوخوا یوې اوونۍ کې د ۱۰ مېرمنو په ګډون ۳۸ تنه په عام محضر کې په دُرو وهلي دي.
دغه سزاوې د روان کال د اکټوبر د میاشتې له ۳۱مې تر دې دمه د کابل، ننګرهار، پروان، تخار، جوزجان، میدان وردګ، پکتیکا او غزني په ولایتونو کې په یادو کسانو پلي شوي دي.
مجازات شوي کسان د طالبانو حکومت په خبره د بداخلاقۍ، غلا او شوکو، نامشروع اړیکو او زنا، له کوره د تېښتې، لواطت او د الکولي مشروباتو د پلورلو په تور په عام محضر کې دُرو وهل شوي او په بند هم محکوم شوي دي.
حقوقي پوهان او عام خلک د دا ډول سزاګانو له زیاتوالي اندېښنه ښيي او وايي چې، دغه سزاوې له شفافیت او اطلاعاتو پرته د اصولي قوانیونو خلاف پلي کېږي.
حقوقي پوهان او عام خلک د دا ډول سزاګانو له زیاتوالي اندېښنه ښيي او وايي چې، دغه سزاوې له شفافیت او اطلاعاتو پرته د اصولي قوانیونو خلاف پلي کېږي.
د ننګرهار ولایت یو اوسېدونکی چې نهغواړي د موضوع د حساسیت له کبله يې نوم په راپور کې یاد شي پهدې اړه ازادي راډيو ته وویل: "د یوه ځوان او د دې ټولنې د یوه غړي په توګه له ویرې او اندېښنې سره مخامخ یم که دا ډول حالت دوام وکړي، نو لرې نهده چې ځوانان به د هېواد پرېښودلو ته اړ شي لکه څنګه چې لا له وړاندې دغه لړۍ روانه ده، موږ په کړاو کې ژوند کوو او دغه وضعیت په هيڅ رقم د توجیې وړ نهدی."
حقوق پوه اختر راسخ د طالبانو د حکومت دا ډول کړنې په افغانستان کې د بشري حقونو نقض بولي.
هغه پهدې اړه ازادي راډیو ته وویل: "طالبان له واک ته رسېدو وروسته بشري حقونو او د ښځو حقونو ته درناوی نهکوي، ورځ تربلې سنګسار، وژنې او فشارونه زیاتیږي، د طالبانو دغه چلند افغانستان بدبختۍ او کورنیو جګړو ته بیايي زه ویلی شم چې په افغانستان کې بشري حقونه نقض شوي دي."
په دې اړه نور: طالبانو په پروان، جوزجان او ننګرها کې يوشمېر کسان په دُرو وهليطالبانو پهداسې حال په افغانستان کې بدنې سزاوې زیاتې کړي چې، په افغانستان کې د ملګروملتونو مرستندوی ماموریت یا یوناما په خپل وروستي راپور کې چې د تېرې پنجشنبې په ورځ خپور شو ویلي، طالبانو د جولای له لومړۍ نېټې څخه د سپټمبر تر پایه پر ۹۵ نارینه، ۱۵ ښځو او یوې نجلۍ ۱۱۱ بدني مجازات تطبیق کړي دي.
که څه هم بېلابېلو نړیوالو او د بشري حقونو سازمانونو په کراتو له طالبانو غوښتي چې بدنې سزاوې دې ودروي، ځکه چې په باور یې دا ډول سزاوې د بشري حقونو سره په ټکر کې دي، خو طالبانو بیا په بېلابېلو ولایتونو کې د دا ډول سزاو پلي کول ته دوام ورکړی دی.