د ښځو پر سپورټ د طالبانو د بندیزونو دوام؛ حریر: دا ظالمانه بندیزونه باید لرې شي

سره له دې چې طالبانو په افغانستان کې ښځې له هر ډول سپورټ څخه منع کړي، یوه افغان لوبغاړې وايي، هیله لري چې یوه ورځ د افغانستان لپاره ولوبېږي.

حریر چمتو چې اوسمهال د سويډن د کرکټ په ښځينه ملي لوبډله کې لوبېږي، په افغانستان کې په ښځو لګول شوي بندیزونه ظالمانه بولي او د لرې کېدو غوښتنه یې کوي.

د کرکټ نړیوالې شورا د بشپړو غړو لپاره یو شرط د ښځینه کرکټ لوبډلې درلودل دي، خو طالب چارواکو تېر کال د کرکټ نړیوالې شورا له یوه پلاوي سره په لیدنه کې ویلي وو چې د ښځو د کرکټ لوبډلې په اړه به په راتلونکې کې د اسلامي ارزښتونو په رڼا کې پرېکړه وشي.

په دې اړه نور جزییات د لاندې لېنک په کېکاږلو اورېدلی شئ چې د حریر په غږ پیلېږي:

د حریرې په اړه راپور