د چین جمهور رئیس شي جین پېنګ د چین د کمونېست ګوند د تأسیس د ۱۰۰مې کالیزې په مناسبت د دې ګوند بریاوې وستایلې.
په دې مناسبت زرګونه کسان د تیانانمن په میدان کې راټول شوي وو.
شي جین پېنګ په خپله یوه ساعته وینا کې د ده په وینا د بهرني ځواکونو لهخوا پر چین د فشار راوړلو په وړاندې خبرداری ورکړ.
ده په خپله دې وینا کې په اقتصادي هوساینه او په نړۍ کې د پیکېنګ د اوسني وضعیت په برخه کې د چین د کمونېست ګوند بریاوې مهمې وبللې.
د چین کمونېست ګوند په ۱۹۴۹ میلادي کال کې د نړۍ په دې ګڼ وګړي هېواد کې واک خپل کړ. دا ګوند د ۹۲ ملیونو غړو په لرلو په نړۍ کې تر ټولو لوی سیاسي تشکیل ګڼل کېږي.
د چین د کمونېست ګوند د تأسیس ۱۰۰مه کالیزه
د چین ولسمشر ژمنه وکړه چې یو پیاوړی نظامي ځواک جوړوي او د تایوان د بېرته یوځای کېدو غوښتونکی شو. شي جین پېنګ همدارنګه د هانګ کانګ پر نیمه خپلواکۍ ټینګار وکړ.
خو پیکېنګ په هانګ کانګ کې د وروستیو اقداماتو له کبله چې دغلتهیې د چین د ملي امنیت د لانجمن قانون په وړاندې راپورته شوي اعتراضونه وځپل او همدارنګه په شینجن کې د اویغور ټبرو مسلمانانو سره د ناسم چلند له کبله له سختو نړیوالو انتقادونو سره مخ دی.
د چین د کمونېست ګوند د جوړېدو د ۱۰۰مې کالیزې په مناسبت د دې ګوند د واک او ځواک ننداره په داسې مهال جوړېږي چې لوېدیځ پیکېنګ ته د یو سیاسي، اقتصادي او پوځي رقیب او د نړۍ د دوهم لوی اقتصاد په سترګه ګوري.
شی جین پېنګ په دې وینا کې خبرداری ورکړ چې د چین خلک به اجازه ورنهکړي څو کوم بهرنی ځواک پر دوی د ده په وینا بلوسه وکړي.
نوموړي زیاته کړه، هر هېواد چې داسې نیت ولري، د شي جین پېنګ په وینا به "د فولادو له یو داسې دېوال سره مخ شي چې د ۱،۴ میلیارده چینايانو له وین او تن جوړ شوی وي." شي د داسې کوم ځواک نوم وانهخیست.
دا مراسم په داسې حال کې جوړېږي چې د شینجن په ایالت کې د ترک ټبرو اویغوریانو سره د چین د حکومت پر ځوروونکي چلند او همدارنګه له تبت او هانګ ګانګ څخه د ډیموکراسي پلوو فعالانو په زنداني کولو په نړیواله کچه پر چینايي واکمنو پراخ انتقادونه کېږي.
چین چې د کرونا ویروس د خپرېدو سرچینه بلل کېږي، راپورونه وايي د دې هېواد د کمونېست ګوند د ۱۰۰مې کالیزې په مراسمو کې راټولو شویو زرګونه خلکو ډېرو یې ماسکونه نهوو تړلي او له یو بل څخهیې ټولنیز واټن هم نهو ساتلی.
د چین د کمونېست ګوند د جوړېدو د ۱۰۰مې کالیزې په مناسبت غونډه کې یو شمېر چینايي پوځیان
د چین جمهور رئیس په خپله وینا کې دا هم وویل چې د عصري پوځ په جوړولو به د خپل حاکمیت، امنیت او پرمختیا ساتنه وکړي.
شي جین پېنګ پر ولسمشرۍ سربېره د چین د مرکزي پوځي کمېسیون رئیس هم دی چې وسلهوال ځواکونهیې کنټرول کې دي.
د شي جین پېنګ د دې وینا ډېره برخه د چین د کمونېست ګوند پر ټولنیزو او اقتصادي بریاوو راڅرخېده او په دې لړ کې نوموړي ادعا وکړه چې ګوند یې سلګونه ملیونه چینایان له لوږې ژغورلي دي.