په افغانستان کې د ښځو د حقونو فعالانې وايي، په وروستیو پنځلس میاشتو کې یې د فعالیتونه هدف ښځو ته د زدهکړو او کار د حق لپاره عدالت غوښتنه ده خو د طالبانو له خوا د دوی اعتراضونه پرلهپسې په تهدید، نیولو او ویرولو خاموشه شوي دي.
یو شمېر افغان فعالانې وايي، د طالبانو به زندانونو کې د ورځو او اونیو له زندان تېرولو وروسته اوس توانیدلي دي چې له افغانستان ووځي.
خو د راپورونو پر بنسټ لا هم د ښځو د حقونو یو شمېر فعالانې د طالبانو په توقیف کې دي.
د ښځو د حقونو یو شمېر فعالانو ویلي چې طالبانو یې په وروستیو کې څو تنه همکارانې نیولي دي.
طالبانو تر اوسه پورې د ظریفه یعقوبي، فرحت پوپلزۍ او حمیرا یوسف د نیول کېدو د ادعاوو په اړه خاموشي غوره کړې ده.
نن موږ په نور بس دی خپرونه کې په همدې اړه بحث کوو.
د خپرونې مېلمنې مو مدني فعاله اوږۍ امیل او د ښځو د حقونو فعاله دنیا ساپۍ ده.
خپرونه د لاندې غږيز فايل په کېکاږلو اورېدلی شئ:
