د افغانستان د فوتبال فدراسیون هیله من دی چې د فوتبال ملي ټیم به یې نننۍ لوبه چې له هانګ کانګ سره یې کوي، وګټي.
دغه لوبه د آسیایي ملتونو جام لوبو ته د لار موندنې په ترڅ کې د هند د کلکتې ښار په یوه سټډیوم کې ترسره کېږي.
دا لوبه د اسیا ملتونو جام سیالیو ته د لار موندلو په ترڅ کې ترسره کېږي.
د افغانستان د فوټبال فدراسیون نننۍ لوبه مهمه بولي او هیله ښیي چې دغه لوبه به افغان لوبغاړي وګټي.
دغه لوبه نن د کابل په وخت د مازدیګر په ۴ بجو د هند د کلکتې ښار د سالت لیک په سټډیوم کې ترسره کېږي.
د افغانستان د فوتبال د فدراسیون ویاند فیروز مشعوف تېر ماښام ازادي راډیو ته وویل، د افغانستان د فوټبال ملي لوبډلې دغې لوبې ته ښه تیاری نیولی، د ویتنام په تمریني کمپ کې او هم یې په هند کې تمرینونه کړي دي.
نوموړي وويل: "له روحي پلوه لوبغاړي په ډېر ښه وضعیت کې دي او یوازې په همدې فکر کوي چې د آسیایي ملتونو جام ته لاره پیدا کړي. له نېکه مرغه لوبغاړي له فني پلوه هم په ښه وضعیت کې دي اوپه تمریني کمپ کې یې دې لوبې ته تیاری نیولی."
د ښاغلی مشعوف په وینا افغانستان، په خپل ګروپ کې له هند، کمبودیا او هانګ کانګ سره یو ځای دی او له دې درې واړه هېوادونو سره درې مهمې لوبې د دوی لپاره ډېرې مهمې دي چې ويې ګټي.
تردې مخکې د افغانستان د فوټبال ملي ټیم د طالبانو د واکمنۍ د اولې دورې له سقوط وروسته د آسیا د فوتبال د کنفدراسیون له لوري د یوه خاص امتیاز په ترلاسه کولو سره د آسیایي ملتونو د جام په سیالیو کې لوبې وکړې خو بریالی نهشو.
خو که چېرې اوس په خپل ګروپ کې لومړی ځای خپل کړي نو به بیا دغو سیالیو ته لاره پیدا کړي.
د افغانستان د فوتبال د ملي ټیم بله لوبه به راتلونکې شنبې له هند سره وي او له کمبودیا سره به هم د راتلونکې اونۍ د سې شنبې په ورځ لوبه وکړي.
د کرېکټ د ملي ټیم ترڅنګ د افغانستان د فوتبال ټیم هم په تیرو نژدې شلو کلونو کې کې کې ډېرې لاس ته راوړنې درلودې او په هېواد د ننه او بهر یې مینه وال زیات دي.
