د لاسرسۍ وړ لېنکونه

تازه خبر
پنجشنبه ۵ غبرګولی ۱۴۰۱ کابل ۱۰:۳۱

د اوکراین ولسمشر له ناټو دغه هېواد ته د تهاجمي وسلو غوښتنه وکړه


د اوکراین ولسمشر ولادیمیر زلنسکي

د اوکراین ولسمشر ولادیمیر زلنسکي د ناټو له غړو وغوښتل چې اوکراین ته تهاجمي وسلې ورکړي.

زلنسکي وویل، باید نور د ناټو غړي ونه‌وايي چې اوکرایني ځواکونه د ناټو په معیار برابر نه‌دي.

د ناټو مشرانو د اوکراین په اړه په خپله فوق‌العاده غونډه کې پرېکړه وکړه چې اوکراین ته به نورې دفاعي وسلې ورکړي.

پر اوکراین د روسیې د یرغل د یوې میاشتې له پوره کېدو سره هم‌مهاله د ناټو د مشرانو په فوق‌العاده غونډه کې د اوکراین ولسمشر ولادیمیر زلنسکي له خپل هېواد سره د نامحدودو پوځي مرستو غوښتنه وکړه.

زلنسکي چې په بروکسل کې د ناټو سرمشریزې ته د وېډیو کنفرانس له لارې وینا کوله، وویل: "موږ د خپلو خلکو او ښارونو د ژغورلو لپاره نا محدودې پوځي مرستې ته اړتیا لرو، هماغسې چې روسیه زموږ خلاف په نامحدود ډول له وسلو کار اخلي."

د اوکراین ولسمشر د ناټو مشرانو ته په خطاب کې وویل، د روسیې په وړاندې له مقاومته وروسته نور هېڅکله ونه‌وایاست چې د اوکراین پوځ د ناټو په معیار برابر نه‌دی.

د ناټو سرمشریزه
د ناټو سرمشریزه

ښاغلي زلنسکي د اروپا له مشرانو په دې مننه وکړه چې اوکراین ته‌یې وسلې ورلېږلي، خو په عین حال کې یې د تهاجمي وسلو غوښتنه وکړه، ویې‌ویل: "زموږ سره د روسیې د حملو او د روسیې د اشغال په وړاندې مرسته وکړئ."

د ناټو له له سرمشریزې وروسته د ناټو سرمنشي ینس سټولټنبرګ وویل چې د تړون ټولو مشرانو د ښاغلي زلنسکي خبرې په غور واورېدې.

ده زیاته کړه: "نن د ناټو مشرانو موافقه وکړه چې د ځان د دفاع له اساسي حق سره د مرستې لپاره د اوکراین نور ملاتړ وکړي، متحدان همداراز په ډېرو پوځي تجهیزاتو اوکراین سمبالوي لکه په ټانک ضد او هوايي مدافع سیستمونو او بې‌پېلوټه الوتکو چې ډېرې اغېزمنې ثابتې شوې دي."

د ناټو سرمنشي ینس سټولټنبرګ په بلجیم کې وویل، روسیه باید پر اوکراین د یرغل په خاطر لویه بیه پرې کړي.

د ناټو سرمنشي په عین حال کې هیله څرګنده کړه چې د ناټو ۳۰ غړي به د رومانیا، بلغاریا، هنګري او سلواکیا په شمول د ختیځې اروپا په هېوادونو کې د خپل حضور له پیاوړتیا سره موافقه وکړي.

ده همداراز وویل چې د تړون مشرانو د دې پخلی وکړ چې د ناټو دروازې به د واشنګټن د تړون د ۱۰مې مادې پر اساس پرانیستې وي. دا ماده د ناټو پراختیا یو تاریخي بری بولي.

XS
SM
MD
LG