دا په داسې حال ده چې طالبان بیا وايي، د مې له لومړۍ نېټې راپه دېخوا یې د افغانستان په ۲۸ ولایتونو کې ۱۴۳ ولسوالۍ نیولې دي.
د دې ډلې د ویاند ذبیحالله مجاهد له لوري ازادي راډیو ته د ګڼو ولسوالیو یو نوملړ هم استول شوي چې ګوندې د دغه ډلې په ولکه کې دي.
د دې نوملړ پر بنسټ تر ټولو ډېرې ولسوالۍ د افغانستان په شمالي ولایتونو کې سقوط شوي دي.
په نوملړ کې تخار، بدخشان، فاریاب، جوزجان، بغلان، بلخ او پکتیا هغه ولایتونه دي چې طالبانو په کې د زیاتو ولسوالیو د نیولو ادعا کړې ده.
- د کورنیو چارو وزارت غبرګون
خو د افغانستان د کورنیو چارو وزارت د طالبانو لهخوا په دې شمېر د ولسوالیو د نیولو ادعا ردوي.
د دې وزارت ویاند طارق ارین رسنیو ته په یوه رالېږلي پیغام کې لیکلي، د طالبانو دا ادعا د یوې ولسوالۍ په ټوله جغرافیه کې صدق نه کوي.
ښاغلی ارین زیاتوي: "د یو شمېر ولسوالیو له ځینو سیمو افغان ځواکونه بل ځای ته تللي چې دا د سقوط په معنی نه ده."
طالبان د هېڅ ولسوالۍ د ساتلو وړتیا نهلري او غړي یې په لېرې پرتو سیمو کې په پاشل شوي ډول پراته دي.
د کورنیو چارو وزارت ویاند وايي، هغو سیمو کې چې طالبانو پرمختګ کړی، شتون یې لنډمهالی او تلپاتې نه دی.
د کورنیو چارو وزارت له قوله، طالبان د هېڅ ولسوالۍ د ساتلو وړتیا نهلري او غړي یې په لېرې پرتو سیمو کې په پاشل شوي ډول پراته دي.
- د افغانستان د دفاع وزارت څرګندونې
هاخوا بیا د افغانستان د ملي دفاع وزارت هم یوه خبرپاڼه کې د جګړې په ډګر طالبانو د درنې مرګژوبلې اوښتو خبره کړې.
اړتیا لیدل کېږي چې د افغانستان حکومت هم خپل لیدلوری بدل کړي
دې وزارت په یوه خبرپاڼه کې ادعا شوي، تېرو ۲۴ ساعتونو کې د هوايي او ځمکنیو عملیاتو په پایله کې ۱۴۳ طالبان وژلي او ۱۲۱ نور یې ټپیان کړي دي، خو د روانې جګړې د درېدو او د سولې خبرو د بیا پیلېدو غږونه هم پورته کېږي.
د افغانستان لپاره د ملګرو ملتونو د سرمنشي ځانګړې استازې ډیبرا لاینز له جمهور رییس غني سره لیدلي او د سیاسي یووالي پر اهمیت سربېره یې، د سولې خبرو په بیا پیلېدو پر اړتیا بحث کړی دی.
په همدې حال کې پاکستان چې له طالبانو په ملاتړ تورن دی، د افغان حکومت او طالبانو ترمنځ د خپلمنځي خبرو په دوام ټینګار کړی.
د پاکستان د بهرنیو چارو وزیر شاه محمود قریشي له یوه خصوصي ټلوېزیون سره مرکه کې ویلي: "پاکستان هېڅکله هم نه غواړي چې کابل کې ګډوډي راشي یا هم پرې طالبان ولکه وکړي، خو اړتیا لیدل کېږي چې د افغانستان حکومت هم خپل لیدلوری بدل کړي او له طالبانو سره د خبرو له لارې ستونزې پای ته ورسوي. طالبان هم افغانان دي او د جمهور رییس غني ملګري هم. افغانان باید خپلمنځ کې کېني او د خپل راتلونکي په اړه پرېکړه وکړي."
دا په داسې حال کې ده چې د قطر په دوحه کې بیا د سولې خبرو له پرمختګ او د دواړو لوریو ترمنځ د غونډو له دوام هېڅ خبر نهشته.
که څه هم دواړه لوریو په ځلونو ژمنې کړې چې د سولې خبرو ته چمتو دي، خو د دې ژمنې پایله او برخلیک دواړه نا معلوم دي.
