د افغانستان د سولې لپاره د امریکا ځانګړي استازي زلمي خلیلزاد په خپلو تازه څرګندونو کې ویلي " حتمي ده چې د خبرو په بیا-پیلیدو کې ځنډ ونشي او هغسې چې هوکړه شوې ده، باید د جنورۍ پر ۵ بیاپیل شي."
بل خوا د افغان جمهور ریس اشرف غني د دوشنبې په ورځ د خپل ملي امنیت د سلاکار پر هغو څرګندونو ټینګار وکړ چې وايي دوی غوره ګڼي چې د سولې دویم پړاو خبرې دننه افغانستان کې وشي.
دجهوري ریاست ویاند صدیق صدیقيپر خپل ټویټر دښاغلي غني له خولې ویلي " که طالبان ادعا کوي چې د افغانستان په خاوره کې دي، ولې په افغانستان کې د سولې خبرې نه کوي؟ "
خپله طالبانو تر اوسه د افغان حکومت پر دې وړاندیز نظر نه دی څرګند کړی.
خو ځینې شنونکو ازادي راډیو ته ویلي،طالبان ښايي د افغانستان پر ځینو برخو کنټرول ولري، خو دا چې هلته ځان دومره خوندي او ډاډمن احساسولی شي چې په کې له افغان حکومت سره د سولې خبرې وکړي؟ ښايي یو بحث وي، چې پرې نور کار، باور جوړیدنې او د دواړو لور سلا ته اړتیا ده.
خو ولې په داسې وختکې چې خبرو کې څو ورځې رخصتي راغلې افغان حکومت د یو درییم ګړي هېواد پر ځای غواړي د سولې خبرې دننه افغانستان کې وشي؟دا چاره شرایطو ته په پام څومره ممکنه ده؟
په دې اړه اجمل اند د افغانستان د ملي امنیت د شورا له ویاند رحمت الله اندړ سره مرکه کړې.
ښاغلی اندړ په پیل په قطر کې له څو کلونو راهېسې د افغان سولې په اړه په شویو کارونو غږیږي.
دا مرکه له دې ځایه اوریدلی شئ.
