د لاسرسۍ وړ لېنکونه

تازه خبر
دوشنبه ۲۹ مرغومی ۱۳۹۹ کابل ۱۱:۱۵

د کندهار او ارزګان خبریالان: جګړه کې ښکېل لوري دې د خبریالانو ژوند ته پام وکړي


په کندهار کې یو شمېر خبریالان د ازادي راډیو د وژل شوي خبریال الیاس داعي په غم کې وير کوي.

د کندهار د خبریالانو بنسټونو او د رسنیو استازو په هلمند کې د ازادي راډيو د خبريال الياس داعي وژل کېدل وغندل او په جګړه کې یې له ښکېلو خواوو وغوښتل چې د خبریالانو ژوند ته پام وکړي.

په سیمه کې د ازادي راډیو خبریال صادق رښتینی راپور لري چې غږیزه بڼه یې د لاندې تړونې په کېکاږلو ارسره اورېدلی شئ:

هيله ده انتظار وکړئ

No media source currently available

0:00 0:03:13 0:00
مستقیم لېنک

د الیاس داعي پر وژنې د ارزګان د خبریالانو غبرګون

همداراز ارزګان کې خبریالانو د ازادي راډيو پر خبریال الیاس داعي وژل کېد وغندل او د عامیلونو نیولو غوښتنه يي وکړه.

په ارزګان ولایت کې د سیمه ییزو او نړیوالو رسنیو خبریالانو په پر دولت غږ وکړ چې په هلمند کې د ازادي راډيو د خبریال الیاس داعي عاملین دې د قانون منګلو ته وسپاري.

په هلمند کې د ازادي راډيو خبریال الیاس داعي نن سهار وختي هغه مهال د ده په موټر کې د یوه نښلونکي ماین د چاودنې له امله ووژل شو چې نوموړی له خپل کوره د دندې په لور روان و.

په دې چاودنه کې د داعي ورور او دوه تنه نور ملکي وګړي هم ټپیان شوي دي.

تر اوسه د داعي د وژنې مسولیت کومې ډلې نه دی منلی.

په دي اړه نور حال د ترینکوټ څخه ازادي راډيو خبریال شریف الله شرافت راکوي چې غږیزه بڼه یې د لاندې لېنک په کېکاږلو سره اورېدلی شئ:

هيله ده انتظار وکړئ

No media source currently available

0:00 0:03:06 0:00

XS
SM
MD
LG