د لاسرسۍ وړ لېنکونه

تازه خبر
پنجشنبه ۳ تله ۱۳۹۹ کابل ۰۵:۵۳

امریکايي ستورمزلي په سپېس ایکس بېړۍ کې بېرته له فضا راستانه شول


دغه ستورمزلي شاوخوا دوې میاشتې په نړیوال فضايي تمځي کې وو.

له نړیوال فضايي تمځي څخه، دوه امریکايي ستورمزلي د سپېس ایکس کمپنۍ په ډراګون کپسول کې د فلوریدا ایالت ساحلو ته څېرمه راښکته شول.

دا لومړی وار دی چې په امریکا کې د یوه خصوصي تجارتي شرکت له خوا جوړه شوې او اداره کېدونکې فضايي بېړۍ د ځمکې مدار ته ځي او بېرته په بریا ځمکې ته راستنېږي.

ناسا یا د امریکا هوايي او فضايي ملي سازمان دا ماموریت، فضا ته د انسانانو د استولو په تاریخ کې یو نوی څپرکی وباله.

دا په تېرو ۴۵ کلونو کې اول وار دی، چې ستورمزلي د راستنېدو پر مهال پر اوبو راکښته کېږي، وروستی وار په ۱۹۷۵میلادي کال د امریکا د متحدو ایالتونو او پخواني شوروي اتحاد د اپولو سَیوز په نوم د ګډ ماموریت کپسول د ارام سمندر پر اوبو راښکته شوی و.

نږدې له یوې لسیزې، د امریکا متحد ایالتونه نړیوال فضايي تمځي ته د امریکايي ستورمزلو د لېږلو لپاره د روسیې پر سَیوز راکټونو متکي وو.

د ناسا ستورمزلي تر دې مخکې نړیوال فضايي تمځي ته په بهرنیو فضايي بېړیو کې تلل، خو دا پروګرامونه په ۲۰۱۱میلادي کال کې ودرول شول.

د فلوریدا ایالت د کنیدي له فضايي مرکزه د سپېس ایکس کمپنۍ د فالکون ۹ توغندي تر بریالۍ توغونې وروسته د ناسا ستورمزلي ډاوګ هرلي او باب بهینکن نړیوال فضايي تمځي ته د مې پر ۳۱ مه ورسېدل، دا د امریکا له قلمروه په څه کم یوه لسیزه کې اول ماموریت و.

دغه ستورمزلي شاوخوا دوې میاشتې په نړیوال فضايي تمځي کې وو.

ناسا یا د امریکا هوايي او فضايي ملي سازمان دا ماموریت، فضا ته د انسانانو د استولو په تاریخ کې یو نوی څپرکی وباله.
ناسا یا د امریکا هوايي او فضايي ملي سازمان دا ماموریت، فضا ته د انسانانو د استولو په تاریخ کې یو نوی څپرکی وباله.

هغه کپسول چې دغه ستورمزلي یې لېږدول، له نړیوال فضايي تمځي تر جلا کېدو ۱۹ ساعته وروسته د افغانستان پر وخت تېره شپه ۱۱ بجې او ۱۸ دقیقې د فلوریدا ایالت ساحل ته نږدې پر اوبو راښکته شو.

پرون د ستورمزلو د راستنېدو په مناسبت د ټکزاس ایالت د هیوسټن په جانسن فضايي مرکز کې د ښه راغلاست مراسم وو، چې د سپېس ایکس کمپنۍ بنسټګر الان مسک هم په کې حاضر و.

دغو مراسمو ته ستورمزلي باب بهینکن په خبرو کې وویل: "د دې ظرفیت لرل چې خپل ستورمزلي فضا ته وتوغوو او بېرته یې کور ته ستانه کړو، یو څه ځانګړی کار دی، موږ کلونه- کلونه دا وړتیا نه درلوده، فکر کوم موږ دوه ستورمزلي خورا ویاړو چې د هغه کوچني ټیم برخه یو چې وتوانېد فضا ته تللي دوه ستورمزلي بېرته د فلوریدا ایالت ساحل ته راولي او امریکا ته بېرته هغه ظرفیت په برخه کړي."

د دې ماموریت هدف فضا ته د انسان د تلو د عملیاتو لپاره د سپېس ایکس کمپنۍ د جوړو شويو تجهیزاتو د اعتبارسنجول وو او خصوصي کمپنیو ته به لار اواره کړي دوی هم نړیوال فضايي تمځي ته ستورمزلي ولېږي.

د سپېس اکس کمپنۍ بل ماموریت د راروانې سېپټېمبر میاشتې په وروستیو کې فضا ته د څلورو ستورمزلو لېږل دي، چې شپږ میاشتې به په فضايي تمځي کې وي.

د امریکا بوینګ شرکت هم غواړي راتلونکی میلادي کال فضا ته ستورمزلي ولېږي.

XS
SM
MD
LG