د لاسرسۍ وړ لېنکونه

تازه خبر
پنجشنبه ۹ وری ۱۴۰۳ کابل ۰۵:۵۱

د مخابراتي شبکو د انټرنېټ له ټیټ او خراب کیفیت د کابل ښاریانو شکایت


د مخابراتو وزارت
د مخابراتو وزارت

یو شمېر کابل ښاریان د مخابراتي شبکو د انټرنېټ له ټیټ او خراب کیفیت څخه شکایت کوي

دوی وايي، د مخابراتي شبکو کیفیت تل خراب وي، خو د قرنطین په ورځو کې چې دوی ښه خدماتو ته اړتیا لري، دا ستونزه یوه په دوه شوې.

په افغانستان کې د کرونا ویروس د مثتبو پېښو په زیاتېدو او په ښارونو په ځانګړي ډول پلازمېنه کابل کې د قرنطین له شدت سره سم، ښکاري چې له انټرنېټ څخه د خلکو ګټنه هم زیاته شوې ده.

یو شمېر کابل ښاریان وايي، دوی د قرنطین په شپو او ورځو کې نسبت بل وخت له انټرنېټ زیاته ګټه اخلي.

د دوی له قوله، د قرنطین په ورځو کې د مخابراتي شبکو کیفیټ ډېر خراب شوی او دوی یې له ستونزو سره مخ کړي دي.

کابل مېشتي حشمت بهزاد ا ازادي راډیو ته وویل: "خلکو تل له دې ستونزې شکایت کړی، په دې شپو ورځو کې هم د قرنطین او له انټرنېټ د زیاتې ګټنې له کبله، د انټرنېټ کیفیت واقعا خراب شوی دی او نه کېږي چې په سم ډول څوک خپل کار مخ‌ته یوسي."

آرشیف
آرشیف

د کابل ښار بل اوسېدونکی انعالم صالحي وايي: "له هغه وخته چې قرنطین پیل شوی دی، له انټرنېټ د خلکو ګټنه زیاته شوې ده او دا موضوع سبب شوې چې د انټرنېټ کیفیت خراب شي، خو د مخابراتو وزارت دې ټکي ته هېڅ پام نه دی کړی."

کابل ښاریان داسې مهال د مخابراتي شبکو د خراب انټرنېټي کیفیت له کبله سرټکوي چې له دې وړاندې د "اترا چېرې ده؟" په نوم د دې ستونزې د حل لپاره یو کمپاین هم پیل شوی و چې هغه مهال یې یادې ادارې د حل ژمنه کړې وه.

خو اوس د مخابراتو د تنظیم اداره بیا هم دا ستونزه مني او وايي، مخابراتي شبکې تل د خراب او ټیټ کیفیت لرونکي انټرنېټي خدماتو د وړاندې کولو له کبله جریمه شوي دي.

د اتر د څارنې او کنټرول رئیس سید حارث مهر ازادي راډیو ته وویل، بنسټیزه ستونزه په فایبر کې ده.

د ده له قوله، اوس‌مهال یوازې یو فایبر ټول افغانستان ته انټرنټ ورکوي او خدمتونه یې هم په میاشتني ډول په زر ګونه ځله پرې کېږي.

آرشیف
آرشیف

هغه زیاته کړه: "اساسي موضوع فایبر دی چې موږ تر اوسه هم یو معیاري فایبر نه لرو، د فایبر پرته هېڅ بدیل نه‌شته."

ښاغلی مهر زیاتوي، د دې ستونزې د ژر حل لپاره بله لار نه‌شته، تر هغه چې یو معیاري فایبر جوړ شوی نه وي.

دا په داسې حال کې ده چې د انټرنېټ د خراب کیفیت سربېره، خلک د مخابراتي شبکو له لوړو بیو هم شکایت کوي او له حکومت یې غوښتنه کړې چې په دې برخه کې جدي اقدامات وکړي.

XS
SM
MD
LG