د لاسرسۍ وړ لېنکونه

تازه خبر
یکشنبه ۱۸ غبرګولی ۱۳۹۹ کابل ۰۰:۰۲

د ایران د مزائیلو پروګرام په اړه له اروپايي ټولنې د امریکا غوښتنه


د ایران بیرغ

د امریکا متحده ایالاتو پر اروپايي ټولنه غږ وکړ چې پر هغو وګړو او سازمانونو بندیزونه ولګوي چې د ایران د مزائيلو له پروګرام سره په تړاو کې کار کوي.

امریکا همداراز له اروپايي هېوادونو غوښتنه کړې چې پر ایران د ملګرو ملتونو سازمان له‌خوا د معمولي (متعارفو) وسلو بندیز پلی او تمدید کړي.

د ایران ګارد سپاه پاسداران انقلاب ځواکونو د اپرېل په ۲۲مه، اعلان وکړ چې یو پوځي سټلایټ‌یې فضا ته واستاوه.

ایران یو پوځي سټلایټ‌ فضا ته واستاوه
ایران یو پوځي سټلایټ‌ فضا ته واستاوه

ایران له څو میاشتو راهیسې د دې کار هڅې کولې، خو ناکامې شوې وې.

د ایران له دې اعلان وړاندې په غبرګون کې واشنګټن پرون د اپرېل په ۲۵مه وویل، دا څرګندوي چې د ایران د فضايي تحقیقاتو پروګرام سوله‌ییز او ملکي نه‌دی.

د امریکا د بهرنیو چارو وزیر، مایک پومپیو په دې اړه په پروني بیان کې ویلي: "په دې سټلایت دستګاه او هغو کې چې مخکې تر دې توغول شوې وې، له داسې ټکنالوژۍ کار اخیستل شوی چې د بالیستیک مزائیلو پر هغې بدلېدلائ شي او ورته ده.

دا د لیرې واټن رادار سیستمونو او له یوې لویې وچې تر بلې لويې وچې د رسېدونکو توغندیو (ICBU) ته ورته ټکنالوژي ده.

مایک پومپیو زیاته کړې چې یوازې هغو هېوادونو چې د اټمي وسلو د جوړولو لپاره هڅې کوي له (ICBU) ټکنالوژۍ کار اخیستی دی.

د ایران ګارد سپاه پاسداران انقلاب تېره اوونۍ پر خپله رسمي وېب‌پاڼه اعلان وکړ چې نوی پوځي سټلایټ‌یې د ځمکې د مدار په ۴۲۵ کیلومترۍ کې په حرکت کې دی.

واشنګټن پر ایران نیوکه کړې چې له خپلو محدودو مالي سرچینو په داسې حال کې د دې ډول فعالیتونو لپاره کار اخلي چې خلک‌یې د کرونا ویروس د فشار له کبله له سختي سره مخامخ دي او اقتصاد یې ډېر کمزوری شوی دی.

ایران چې د امریکا متحده ایالاتو تر بندیزونو لاندې له سخت فشار سره مخامخ دی، په نړیوال مارکېټ کې د تېلو د نرخ د ټیټېدو له کبله هم له سخت حالت سره مخامخ دی. د ایران اقتصادي تکیه په اساسي ډول د تېلو پر تجارت ده.

د امریکا د بهرنيو چارو وزیر مایک پومپیو
د امریکا د بهرنيو چارو وزیر مایک پومپیو

د امریکا متحده ایالاتو د بهرنیو چارو وزیر مایک پومپیو په پروني بیان کې ویلي چې د ایران خلک کړېږي او هره ورځ د کرونا ویروس له کبله مري او د تأسف وړ ده چې رژیم‌یې خپلې مالي سرچینې پر داسې پوځي حرکتونو لګوي چې تحریک‌امیزه دي او د ایران د خلکو له وضعیت سره هېڅ مرسته نه‌شي کولائ.

XS
SM
MD
LG