په پاکستان کې له زندانه خوشې شوې اسیه بي بي د پاکستان څخه د وتلو او په کوم لوېدیځ هېواد کې د پناه اخیستلو غوښتونکې ده.
د اسیه بي بي په نوم د یوې عیسوۍ مېرمنې پخواني مدافع وکیل ویلي، دا مېرمن او کورنۍ یې باید ژر تر ژره له پاکستانه ووځي.
دا خبره د نوموړې مدافع وکیل سیفالملوک پرون د جرمني په فرانکفورت ښار کې خبریالانو ته وکړه.
پاکستانۍ عیسوۍ مېرمن اسیه بي بي د چم ګاونډ ښځو مقدساتو ته په سپکاوي تورنه کړې وه او له همدې کبله پرې ابتدايي محاکمو د اعدام حکم کړی وی.
نوموړې چې اته کالهیې زندان کې تېر کړي په وروستیو کې د پاکستان د سترې محکمې لهخوا برائت ورکړل شو.
د سیفالملوک په وینا اسیه بي بي ته د پناه ورکولو په برخه کې د لوېدیځو هېوادونو ناکامي د دې سبب شوې چې اسیه بي بي او کورنۍ یې لاهم له پاکستانه ونهشي وتلی.
مخکې له دې ویل شوي و چې د کاناډا، اسپانیا او فرانسې په شمول څو هېوادونو اسیه بي بي ته د پناه ورکولو وړاندیز کړی، خو اوس څرګنده نهده چې ستونزه چېرې ده؟
د اسیه بي بي مدافع وکیل چې د نوموړې له خوشې کېدو وروسته خپله هم د سخت دریځو لهخوا د مرګ له ګواښ سره مخ او له همدې کبلهیې جرمني ته پناه وړې پرون وویل، هیلهمند دی چې لوېدیځه نړۍ به د اسیه بي بي د مرستې لپاره اقدام وکړي.
نوموړي وویل چې د اروپايي ټولنې د غړو په شمول له څو هېوادونو سره د اسیه بي بي د برخلیک په اړه خبرې روانې دي، خو ډېر جزئیاتیې ورنهکړل.
د پاکستان د سترې محکمې قاضیانو د نومبر په ۲۱مه نېټه ۵۴ کلنه اسیه بي بي چې د ۵ بچیانو مور ده له زندانه خوشې کړه، خو دا اقدام په پاکستان کې د سخت دریځو ډلو تند او له تاوتریخوالي ډک اعتراضونه راوپارول.
په پاکستان کې د تحریک لبیک سخت دریځې ډلې په ټول هېواد کې مظاهرې وکړې او په عام محضر کې یې د اسیه بي بي د اعدام غوښتنه وکړه.
د دې ډلې مشر محمد افضل قادري د سترې محکمې د هغو درې قاضیانو د وژلو غوښتنه هم وکړه چې اسیه بي بي تهیې مقدساتو ته د سپکاوي له تورونو برائت ورکړی دی.
دا مظاهرې چې له تاوتریخوالي سره مل وې وروسته له هغې پای ته ورسېدې چې د پاکستان حکومت له مظاهرهچیانو سره یو جوړجاړی وکړ.
خو پر دې سربېره هم د پاکستان صدراعظم عمران خان ویلي د سترې محکمې پرېکړه وروستۍ او نهبدلېدونکې ده.
اسیه بي بي په ۲۰۱۰ میلادي کال کې وروسته له هغې په مرګ محکومه شوه چې څو تنو ګاونډیو ښځو د اوبو پر سر له لانجې وروسته نوموړې اسلام ته په سپکاوي تورنه کړه.
نوموړې له اته کاله زندان ګاللو وروسته اوس خوشې شوې او د پاکستان په یو ناڅرګند ځای کې د شدیدو امنیتي تدابیرو لاندې ساتل کېږي.