د پاکستان د تجارتي کرکټ سیالیو «PSL» لیګ په لومړۍ لوبه کې ملتان سلطان لوبډلې، پېښور زلمو ته ماتې ورکړه.
دا په داسې حال کې ده چې د پاکستان د تجارتي کرکټ سیالیو لیګ درېیم پړاو تېره ورځ په دبۍ کې شروع شو او ټاکل شوې ده چې د راروانې میاشت تر ۲۵مې نېټې به دوام وکړي.
د دغه لیګ لومړۍ لوبه په دبۍ کې لوبغالي کې د ملتان سلطان او پېښور زلمي لوبډلو ترمنځ وشوه، چې ملتان سلطان په کې پېښور زلمي لوبډلې ته ماتې ورکړه.
که څه هم ددغه لوبې پچه د ملتان سلطان لوبډلې کپټان شعیب ملک ګټلی و، خو لومړی یې پېښور زلمي ته د بېټنګ بلنه ورکړه.
پېښور زلمي لوبډلې په ټاکلو ۲۰ اوورونو کې د شپږو لوبغاړو په سوځېدو ۱۵۱ منډې جوړې کړې او ملتان ته یې د ۱۵۲ منډو هدف ورکړ.
د پېښور زلمي لوبډلې لوبغاړي محمد حفيظ ۵۹ منډې جوړې کړې او بیا وروسته د لوبډلې کپټان ډیرن سیمي تیزه لوبه وکړه او یوازې د ۱۱ توپونو یې ۲۹منډې جوړې کړې.
ملتان سلطان لوبډلې دغه هدف په وروستي ۲۰م اوور کې د درېیو لوبغاړو په سوځېدو پوره کړ، پېښور زلمي ته یې په ۷ ویکټو ماتې ورکړه.
د سلطان لوبډلې کماراسنګارا ۵۷ او کپټان شعېب ملک ۴۲ منډې جوړې کړې.
که څه هم د پاکستان په دغو تجارتي کرکټ سیالو په تېروو ۲ پړاوونو کې ۵ لوبډلې لوبېدلې، خو دا ځل په دغه لیګ کې ۶ لوبډې لوبېږي.
د یادونې وړ ده چې د پېښور زلمي لوبډلې د۲۰۱۷م کال د PSL لیګ اتلولي هم ګټلې وه.
راپور: ذبیح مومند