امریکايي چارواکي وايي چې یو ۱۹ کلن هلک چې په فلوریډا ایالت کې له یو ښوونځي څخه ایستل شوی وو، تېره ورځ د دغه ښوونځي ۱۷ زدهکوونکي او یو شمېر کارکوونکي یې په ډزو وژلي دي.
نیکولاس کروز چې د ناڅرګندو دلایلو له مخې له خپل ښوونځي څخه ایستل شوی و تر دغه مرګونې حملې یو ساعت وروسته ځان بې له کوم تاوتریخوالي پولیسو ته تسلیم کړ.
دغه حمله تېره ورځ د میامي په ۷۰ کېلو مترۍ کې د فلوریډا د پارکلند په سیمه کې د درسي ساعت تر پای ته رسېدو وروسته رامنځته شوه چې د زدهکوونکو په منځ کې یې وېره رامنځته کړه.
ولسمشر ټرمپ تر دغې حملې وروسته په خپل لومړني ټویټ کې د پېښې د قربانیانو له کورنیو سره خواخوږي ښودلې او ویلي دي:
په یوه بل ټویټ کې ولسمشر ټرمپ ویلي چې د حملې په اړهیې د فلوریډا له والي ریک سکاټ سره خبرې کړې دي او وايي چې د قانون په رڼا کې به دغه پېښه وڅېړل شي:
په سیمه کې د سکاټ اسرائیل په نوم پولیس ویلي چې د دغې پېښې په قربانیانو کې د ښوونځي زدهکوونکي او د دغه ښوونځي کارکوونکي شامل دي چې اکثرهیې د ښوونځي په ودانۍ کې وژل شوي دي:
"موږ تائید شوي اولس قربانیان لرو، دولس یې د ښوونځي د ودانۍ دننه دی، دوه قربانیان د ودانۍ بهر هغې ته ډېر نژدي دي، یو قرباني هم د پین ایلند د سړک په اخر کې دی او دوو نورو کسانو هم په روغتون کې ساه ورکړه."
نوموړي دغه حمله دردونکې وبلله.
د پولیسو مشر اسرائیل وویل چې کروز لږترلږه یو AR – 15 ډوله ټوپک او د مرمیو څو شاجورونه له ځان سره لرل.
هغه امریکایي ډله چې په وسلو د کنټرول او له ټوپکه د هر ښار د خوندیتوب غوښتونکې ده وایي، دا د روان کال راهیسې په امریکا کې پر ښوونځیو د خونړیو حملو اتلسمه پېښه ده.
- د یوه بل خبر له مخې بیا د امریکا په میرلنډ ایالت کې د امریکا د ملي امنیت مرکزي دفتر ته نږدې د ډزو او د موټر د ټکر پر مهال لږ تر لږه درې تنه ټپیان شوي او درې کسه هم نیول شوي دي.
دغې امنیتي ادارې پرون وویل چې یوه موټر هڅه کوله چې د ملي امنیت مرکزي ادارې ته د «فورت میډ» په سیمه کې له اجازې پرته ننوځي.
په دې وخت کې ډزې وشوې چې تحقیقاتیې روان دي.
د امریکا فدرالي پولیسو یا «ایف بي ای» وویل چې په پېښه کې یو موټروان، د ملي امنیت د ادارې یو مأمور او یو ملکي لاروی ټپیان شوي دي.
د «ایف بي ای» یوه مسؤل وویل چې داسې ښکاري چې دا پېښه ترورېستي پېښه نهده.