د لاسرسي لېنکونه

دوشنبه ۲۹ زمری ۱۳۹۷ کابل ۰۷:۰۵

چارواکي: په بغلان کې په پیل شویو عملیاتو کې پرمختګ شوی


د بغلان امنیتي چارواکي وايي چې په دې ولایت کې د «البرز۲۲» په نوم د پوځي عملیاتو په ترڅ کې لسګونه وسله وال مړه او ټپیان شوي دي.

د بغلان امنیه قوماندان جنرال اکرام الدین سریع تېره ورځ ناوخته خبریالانو ته وویل چې په دې عملیاتو کې د مرکز پلخمرې د شهاب الدین ډنډ اړوند بالادوري او خلازیي کلي له وسله والو مخالفینو څخه تصفیه شول:

"۲۲ وسله وال مړه او ټپیان دي چې مړي یې پاتې دي، زه ویلی شم چې ښايي د مړو شمېر یې ۲۴ یا ۲۵ کسانو ته ورسېږي او نور یې ټپیان دي."

د پلخمري ښار په ډنډ شهاب الدین سیمه کې د «البرز۲۲»په نوم پوځي عملیات له دوو اونیو راهیسې پیل شوي او چارواکي وايي چې اوس هم روان دي.

وسله والو طالبانو تر دامهاله په دې اړه څه نه دي ویلي.

XS
SM
MD
LG