د لاسرسي لېنکونه

جمعه ۲۶ زمری ۱۳۹۷ کابل ۰۲:۲۹

د فراه والي محمد عارف شاه جهان له خپلې دندې استعفا ورکړه


د فراه والي محمد عارف شاجهان نن له خپلې دندې استعفا وکړه.

له فراه د آزادي راډیو خبریال وایي چې ښاغلي شاجهان د خپلې استعفا د اعلانولو پر مهال وویل چې د فراه اوسېدونکي د ده له کارونو خوښ نه و نو په همدې خاطر یې استعفا وکړه.

پرون هم په فراه ښارکې په لسګونو کسانو د فراه د والي دفترته څېرمه مظاهره وکړه.

د آزادي راډیو خبریال وایي، مظاهره په تاوتریخوالي بدله شوه.

د فراه والي په داسې حال کې استعفا کوي چې د دې ولایت مرکز ته څېرمه سیمو په ګډون په یو شمېر ولسوالیو کې د دولت د وسله والو مخالفینو فعالیتونه زیات شوي او افغان امنیتي ځواکونو یې هم په وړاندې یولړ عملیات پیل کړي دي.

محمد عارف شاه جهان د روان لمریز کال د وري میاشتې پر لسمه دد غه ولایت د پخواني والي اصف ننګ پر ځای د فراه والي وټل شوو چې تر نهوو میاشتو ماموریت وورسته یې له دندې استعفا ورکړه.

ولسمشرۍ ماڼۍ تر دامهاله په دې اړه څه نه دي ویلي.

XS
SM
MD
LG