د لاسرسي لېنکونه

تيريزا مې وايي د حکومت پر تشکيل خبرې کوي


مېرمن مې

د بريتانيا صدراعظمه وايي د شمالي ايرلنډ له ډيموکراتيک اتحادپلوه ګوند سره به د يوه اقليت حکومت پر تشکيل کار ته ادامه ورکړي.

وروسته له هغې چې تر وخت مخکې پارلماني انتخاباتو کې د هغې محافظه کار ګوند اکثريت څوکۍ ونه ګټلې، تيريزا مې نن له ملکې اليزابت سره تر کتنې وروسته وويل:

”دلته د اعليحضرتې ملکې اليزابت د کتنې لپاره راغلې وم. زه به اوس يو حکومت تشکيلوم. داسې حکومت چې ډاډ راپه برخه کړي او په داسې بحراني وخت کې بريتانيا رهبري کړي“

د بريتانيا محافظه کار ګوند تر وخت مخکې پارلماني ټاکنو کې ٣١٨ څوکۍ ګټلي او د حکومت مخالف کيڼ اړخي کارګر ګوند ٢٦١ څوکۍ خپلې کړې دي.

په بريتانيا کې د حکومت د تشکيل لپاره يو ګوند لږ تر لږه درې سوه شپږويشتو څوکيو ته اړتيا لري.

اوس چې يو ګوند هم نه دى توانېدلى اکثريت سيټونه وګټي، ويل کېږي بريتانيا ښايي د کړکېچ يوې دورې ته داخل شي او پارلمان به بې برخليک پاتې وي.

XS
SM
MD
LG