د امریکا د متحده ایالاتو ولسمشر ډونالد ټرمپ ویلي، کله چې یې منځني ختیځ ته د خپل سفر په ترڅ کې د هغې سخت دریځې ایډیالوژۍ د ملاتړ د پای ته رسولو غوښتنه وکړه چې ترهګرۍ زېږوي، د منځني ختیځ مشرانو د قطر په اړه شکایت وکړ.
ډونالد ټرمپ پر خپل ټویټر ویلي، منځني ختیځ ته د خپل وروستي سفر پر مهالیې د سیمې مشرانو ته وویل چې له دې وروسته به د افراطي ایډیالوژۍ ملاتړ نهکېږي.
ولسمشر ټرمپ پر ټویټرپاڼه په لیکلو څرګندونو کې زیاته کړې چې د منځني ختیځ مشرانو ټینګار وکړ چې د افراطیت د ملاتړ په اړه سخت دریځ خپلوي خو د ټولو اشاره د قطر خوا ته وه.
ولسمشر ټرمپ لیکلي، ښايي دا د ترهګرۍ د وحشت د ختمېدو پیل وي.
نوموړي همدارنګه تېره میاشت سعودي عربستان ته خپل سفر ګټور بللی دی.
دا له هغې راوروسته چې ښاغلی ټرمپ د امریکا ولسمشر شو، سعودي عربستان او څو نورو هېوادونو تهیې لومړنی بهرنی سفر و.
خو قطر د سخت دریځۍ څخه د ملاتړ تورونه رد کړي دي.
سعودي عربستان، متحده عربي اماراتو، بحرین، مصر، مالدیف او د لیبیا په ختیځ کې مېشت حکومت د جون پر پنځمه نېټه له قطر سره خپلې ټولې اړیکې پرې کړې دي.
د قطر د بهرنیو چارو وزیر محمد بن عبدالرحمن الثاني پرون په دوحه کې د الجزیرې ټلوېزیوني شبکې سره په مرکه کې د دې هېوادونو د اړیکو د قطع کېدو په اړه وویل:
"له دې پرېکړې سره به په قطر کې ورځنی ژوند متأثر نهشي. نه به هغه پروژې اغېزمنې شي چې همدا اوس پرې په هېواد کې کار روان دی او نه به راتلونکې پروژې اغېزمنې شي."
الثاني زیاته کړه چې هېواد یې د یو پرانیستي او صادقانه ډیالوګ او خبرو اترو غوښتونکی دی.
نوموړي زیاته کړه چې قطر به غچ اخیستونکی اقدام ونهکړي.
اخو د امریکا دفاع وزارت د سې شنبې په ورځ وویل چې د قطر په اړهیې په دریځ کې هېڅ ډول بدلون نهدی راغلی.
پنټاګون همدارنګه پر ټویټر ټولنیزه پاڼه پر دې موضوع د ولسمشر ټرمپ د څرګندونو په اړه له تبصرې ډډه کړې.
د پنټاګون ویاند جیف ډیویس وویل، د یو شمېر هېوادونو لهخوا له قطر سره د هر ډول اړیکو پرې کولو اقدام په قطر کې د دوی پر فعالیتونو او د دې هېواد په شااوخوا کې هوايي فضا د کارولو د اجازې په برخه کې کوم اغېز نهدی کړی او د داسې یو څه تمه هم نهلري.
دا مهال په قطر کې لس زره امریکايي سرتېري مېشت دي او په دې هېواد کې امریکا یوه لویه پوځي اډه لري.
په عین حال کې د روسیې او فرانسې ولسمشرانو د قطر له امیر شیخ تمیم بن حمد الثاني سره ټیلیفوني خبرې کړي او دواړه د قطر له امیر سره په خلیج کې د راپورته شوي دې کړکېچ د سولهییز هواري پر لارو غږېدلي دي.
