د لاسرسي لېنکونه

دوشنبه ۲۹ لړم ۱۳۹۶ کابل ۰۶:۴۷

صربيا کې خلک نن د ولسمشرۍ انتخاباتو کې خپله رأيه کاروي


په صربيا کې خلک نن د ولسمشرۍ په انتخاباتو کې خپله رأيه کاروي.

داسې ښکاري چې صدراعظم الکساندر ووچيچ به د دغو انتخاباتو په نتيجه کې ګټونکى شي.

دا په داسې حال کې ده چې دغه هېواد هڅه کوي چې د خپلو اروپايي اهدافو او له روسيې سره په خپلو اړيکو کې توازن وساتي.

د بلګراد اوسېدونکي دراګوليوب ژيوانوويچ رويټرز اژانس ته وويل، دوى د دغو ټاکنو په نتيجه کې د بدلون په تمه دي.

ښاغلی ژيوانوويچ زیاتوي:

"هر څوک چې واک ته رسېږي بايد ځوانانو ته ډېر پام واړوي، موږ کافي تقاعد شوي کسان وينو چې ګوندونه‌يې سره بدل-رابدل کړي، خو بيا هم په لېستونو کې د همدو کسانو نومونه وينو."

۴۷ کلن الکساندر ووچيچ تمه لري چې د دغو انتخاباتو څه باندې ۵٠ فيصده رأيې خپلې او په دې توګه د ولسمشرۍ پنځه کلنه دوره وګټي.

زياتې نظرپوښتنې ښيي چې ووچيچ ښايي د اپوزېسيون په وړاندې چې سره وېشل شوى، په اسانۍ بريا خپله کړي.

که چېرې دى د ټاکنو په اول پړاو کې د اکثريت رأيو په خپلولو بريالى نه‌شي، ښايي دوه اوونۍ وروسته دوهم ځلي انتخابات وشي.

XS
SM
MD
LG