د لاسرسي لېنکونه

د امریکا تکزاس ایالت کې ټرافیکې پېښې لږ تر لږه ۱۳ تنه وژلي


د امریکا متحده ایالتونو په تکزاس ایالت کې په یوه ټرافیکي پېښه کې لږ تر لږه ۱۳ تنه وژل شوي دي.

د تکزاس ایالت د عامه محافظت ادارې یوه چارواکي کونارد هېن ویلي چې پېښه پرون د سن انتونیو ښار لویدیځ ته په ۷۵ کیلومترۍ کې د کلیسا د یوه وړوکي بس او یوې لارۍ د ټکر له امله رامنځته شوې ده.

په وړوکي بس کې له ناستو ۱۴ کسانو چې ټول یې د بپتیست کلیسا مخور غړي و ۱۳ یې وژل شوي او یوازې یو تن ژوندی پاتې خو ټپونه یې ژور دي.

د لارې چلوونکی هم ټپي دی خو وضعیت یې ښه بلل شوی دی.

د تکزاس والي ګرېګ اباټ د پېښې له قربانیانو سره خپله ژوره خواشیني ښودلې.

XS
SM
MD
LG