که څه هم ارزګان ولایت کې وروستیو ناامنیو د پوهنې پر بهیر منفي اغېز کړی خو ارزګان ولایت کې لا هم یو شمېر ښځینه ښوونځي فعال دي او زدهکوونکي يې د ښوونکو د نشتوالي خبره کوي.
د ارزګان ولایت مرکز ترینکوټ کې د ملالۍ لېسې یو شمېر ښځینه زدهکوونکو ازادي راډيو ته وویل چې ښوونځي کې د ساینسي مضامینو لپاره ښځینه ښوونکې او درسي کتابونه نهلري.
د هغوی له ډلې یوه هم د دولسم ټولګي زدهکوونکې ستاره او بله هم سلګۍ ده چې وايي، کلي او کور کې د خلکو پیغورونه هم پر ځان وړي چې ګنې ښوونځي ته ځي خو بیا هم ښوونځي کې ورته د زدهکړې لازمې اسانتیاوې نهدي برابرې شوي.
دوی له دولته غوښتنه وکړه چې یادو ستونزو ته دې جدي پاملرنه وکړي.
دوی ازادي راډیو ته وویل:
"ستاره یم، تاسې خبر یاست چې ارزګان کې پلارونه خپلو لوڼو ته د درس ویلو اجازه نهورکوي او دا پیغور ګڼي چې لوڼې يې ښوونځي ته ځي، خو بیا هم موږ راځو.
"سلګۍ یم، ماته کلي کې خلک په ډېره بده سترګه ګوري وايي، ښوونځي ته ځي خو زهيې پروا نهلرم او خپلو زدهکړو ته به نوره هم ادامه ورکوم."
له دې سره یو شمېر ښوونکي ورته څرګندونې لري.
برېښنا چې د تاریخ او جغرافیه مضامینو ښوونکې ده وايي چې د ښوونکو د شتون له امله دري او پښتو مضامینو درس هم ورکوي.
اغلې برېښنا وايي:
"د ارزګان مرکز ترینکوټ کې یوازنۍ د نجونو لپاره دغه ملالۍ لېسه ده چې فعاله ده، زما اته کاله کېږي چې دغه لېسه کې د ښوونکي په حیث وظیفه اجراء کوم."
دا په داسې حال کې ده چې د ارزګان په مرکز او ولسوالیو کې دا مهال د مسؤلینو په خبره ۶۰ ښځينه ښوونځي شته چې د هغوی له جملې څخه ۵۵يې فعال دي.
په ورته وخت کې د ارزګان ولایت د پوهنې رئیس احسانالله ناشر هم د زدهکوونکو دغه ستونزې پر ځای بولي خو وايي چې د دغې ستونزې د حل لپارهيې کوټلي ګامونه اخیستي دي.
ښاغلي ناشر زیاته کړه:
"موږ تېر کلونه ارزګان کې ښځینه ښوونکې نهدرلودې او نه هم له نورو ولایتونو څخه راتلې خو سږ کال مو دغه ستونزه هواره کړې او زیات شمېر ښوونکي مو جذب کړي دي."
ښاغلي ناشر دا هم وویل چې دغه ولایت کې ناامنیو د پوهنې پر بهیر منفي اغېز کړی او شااوخوا ۱۰۰ ښوونځي د ناامنيو له امله د زدهکوونکو پر مخ تړلي او زرګونه زدهکوونکي هم د زدهکړې له نعمته بېبرخې پاتې شوي دي.
راپور: شریفالله شرافت