د افغانستان د بهرنیو چارو وزارت وايي چې د هرات پخوانی والي سید فضل الله وحیدي په پاکستان کې د تښتونکو له منګلو راخوشي شوی دی.
د بهرنیو چارو وزارت ویاند شیکب مستغني نن ازادي راډیو ته وویل چې ښاغلی وحیدي تېره شپه د خیبر پښتونخوا په مردان سیمه کې د پاکستاني پولیسو په همکارۍ را خوشي شوی دی.
ښاغلي مسغتني زیاته کړه چې فضل الله وحیدي پاکستاني پولیسو په پېښور کې د افغانستان قونسلګرۍ ته سپارلی دی.
سید فضل الله وحیدي د دلوې میاشتې په ۲۳ مه نېټه په اسلام اباد کې د ناڅرګندو کسانو له خوا برمته شوی و.