د لاسرسۍ وړ لېنکونه

تازه خبر
یکشنبه ۱۶ سلواغه ۱۴۰۱ کابل ۱۲:۳۵

نړۍ

د مالیزیا صدراعظم نجیب رزاق د دې هېواد پارلمان ړنګ کړی

د مالیزیا صدراعظم نجیب رزاق د دې هېواد پارلمان ړنګ کړی دی. په یوه تلویزوني وینا کې نجیب وویل، چې په دوو میاشتو کې به نوې انتخابات وشي او د دې هېواد پاچا د ده پریکړه تایید کړې ده.

د صدراعظم نجیب د ملي جبهې په نوم د واکمن ایتلاف وخت د اپریل پر دیرشمه پای ته رسیږي.

تمه ده، چې د مالیزیا ملي جبهه او د درې ګوندونو یو بل ایتلاف چې د اپوزیسون یو مشر انور ابراهیم یې مشري کوي به په راتلونکو انتخاباتو کې د یوبل پرضد نژدې انتخاباتي مبارزه وکړي.

ملي جبهې له ۱۹۵۷ م کال راهیسې پر مالیزیا واکمني کړي ده خو د ۲۰۰۸ م کال په انتخاباتو کې یې په پارلمان کې له درې برخو دوه برخه اکثریت څوکۍ له لاسه ورکړي.

د ورځې تازه خبرونه دلته ولولئ

د پاکستان پخوانی پوځي مشر پروېز مشرف د يوې اوږدې ناروغۍ وروسته ومړ

د پاکستان پخوانی پوځي مشر، پروېز مشرف

د پاکستان پخوانی پوځي مشر، پروېز مشرف په دوبۍ کې له اوږدې ناروغۍ وروسته د ۷۹ کلونو په عمر مړ شو.

د پاکستان پوځ نن یکشنبه په یوه اعلامیه کې د مشرف مړینه خواشینوونکې بللې او په دې اړه یې خواخوږي ښوولې ده.

مشرف په ۱۹۹۹م کال کې د یوې سپینې کودتا په نتیجه کې قدرت په لاس کې واخیست او له ۲۰۰۱ څخه یې تر ۲۰۰۸م کاله پورې د پاکستان د ولسمشر په توګه دنده ترسره کړې ده.

د هغه په واکمنۍ کې د افغانستان د تېر حکومت چارواکو دی د افغان طالبانو په ملاتړ تورناوه، هغه تور چې اسلام اباد په وار- وار رد کړی دی.

پر امریکا د سپټمر د یوولسمې حمله داسې وخت وشوه، چې مشرف په واک کې و.

پېښور کې د نا امنۍ او ترهګرۍ پر ضد زرګونه کسانو لاریون وکړ

پېښور کې د لاريون يو انځور

په دې لاریون کې د بېلابېلو سیاسي ګوندونو مشرانو، مدني فعالانو او عامو خلکو برخه واخیسته.

لاریون ته د وینا پر مهال د پښتون ژغورنې غورځنګ مشر منظور پښتین د پېښور په پولیس لاینز کې برید وغانده او هغه یې پر پښتنو باندې یو برید وباله.

د خیبر پښتونخوا د بېلابېلو سیمو نه پېښور ته راغلي خلک لومړی د پریس کلب مخې ته راټول شول او بیا یې د صوبايي اسمبلۍ تر ودانۍ پورې لاریون وکړ.

په خیبر پښتونخوا کې د امن د غوښتو لپاره دا مظاهرې په داسې حال کې کېږي چې د جنورۍ پر ۳۰مه د پېښور پر پولیس لاینز جومات په ځانمرګي برید کې د پاکستان د اطلاعاتو د وزیرې مریم اورنګزیب د خبرو په اساس د وژل شویو کسانو شمېر ۱۲۴ تنو ته رسېدلی دی.

د بريد اکثره مړه او ټپيان پوليس وو او د ټولو ټپيانو شمېر تر دوو سوو زيات ښودل شوی دی.

پرتګال اوکراين ته د ليوپارد ټانکونو د ورکړې اعلان کړی

د ليوپارډ ټانک

د پرتګال صدراعظم اعلان کړی چې اوکراین ته به لیوپارد ۲ ډوله جرمني ټاکونه ورکړي.

صدراعظم انتونیو کوستا نن د مرکزي افریقا جمهوریت ته له روانېدو مخکې له لوسا خبري اژانس سره په خبرو کې د دې ټانکونو د استولو د نېټې له یادولو پرته وویل چې، پرتګال د خپلو غیرفعالو لیوپارد ۲ ټانکونو د ترمیم لپاره د پرزو د پېرلو په اړه له جرمني سره د خبرو په حال کې دی.

ښاغلي کوستا زیاته کړه چې دی پوهېږي چې اوکراین ته به په کوم شمېر دا ټانکونه واستول شي خو په مناسب وخت کې به یې اعلان کړي.

اوکراین له خپلو لوېدیځو متحدانو په وار وار د ټانکونو او نورو پوځي تجهیزاتو د مرستې غوښتنه کړې.

پرت سکارچرز د بیګ بیش سیالیو اتلولي وګټله

پرت سکارچرز د بیګ بیش سیالیو اتلولي وګټله

د اسټرالیا د شلو اورونو د مخکښو سیالیو بیګ بیش په پایلوبه کې پرت سکارچرز د برسبن هيټ لوبډلې په ماتولو په پرله‌پسې توګه اتلولي وګټله.

هیټ لوبډلې په پایلوبه کې د ۱۷۶ منډو هدف ټاکلی و چې، سکارچرز د وروستي اور په درېیم توپ د ۵ وېکټو په توپیر پوره کړ او د پینځم ځل لپاره یې اتلولي وګټله.

د پایلوبې غوره لوبغاړی د پرت سکارچرز لوبډلمشر اشټن اګر ونومول شو، هغه نیمه سلیزه وهلې وه.

سکارچرز لوبډلې د ټورنمنټ له پیله د نمرو په جدول کې د ډېرو لوبو په ګټلو په لومړي مقام کې وه.

د یادونې وړ ده چې په بیګ بیش لیګ سیالیو کې ۵ افغان لوبغاړي د بېلابېلو لوبډلو لپاره لوبېدل؛ خو وروسته له هغې چې اسټرالیا لوبډلې له افغان کرېکټ لوبډلې سره له لوبو انکار وکړ، نو د راشد خان په ګډون ټولو لوبغاړو د یاد لیګ په راتلونکو پړاونو کې د نه لوبېدو پرېکړې وکړې.

امریکا، فرانسې، بریتانیا او جرمني پر ایران ګډ اعتراض وکړ

د ایران د بوشهر اټومي بټۍ

د امریکا متحد ایالتونو له فرانسې، بریتانیا او جرمني سره د جمعې په ورځ په یوه ګډ بیان کې پر ایران اعتراض وکړ چې د اټومي پروګرام په تړاو یې د اټومي انرژۍ د نړیوالې ادارې راپور ته بشپړ ځواب نه دی ورکړی.

د ملګرو ملتو د اټومي انرژۍ څارونکې ډلې تهران ته د فبروري په لومړۍ نېټې وروسته تر دې خبرداری ورکړ چې له وار له مخه خبرتیا مخکې د فوردو په اټومي مرکز کې په تجهیزاتو کې تغیرات راغلي چې تر شپېته فیصده پورې یورانیم غني کولای شي.

ایران ادعا وکړه چې نړیوالو څارونکو په تصادفي ډول رامنځته شویو بدلونونو ته نښې پرې ایښي، خو وروسته دا مسئله حل شوه.

روسي ځواکونو د اوکراین په ختیځو سیمو بیا بریدونه پیل کړي

په باخموت کې د جګړې لومړۍ کرښه اوکرایني ځواکونه د جګړې پرمهال

په اوکراین کې نن د خطر زنګونه وروسته تر دې وشرنګېدل چې په تېرو ۲۴ ساعتونو کې روسیي ځواکونو د دغه هېواد په ختیځ کې پر دونیڅک او لوهانسک سیمو بیا بریدونه پیل کړل.

دا دویمه ورځ ده چې په اوکراین کې د خطر زنګونه وهل کېږي.

پرون د زنګونو سربېره روسیي هوایي ځواکونو پر ملکیانو او اوکرایني تاسیساتو ډېرې حملې ونه کړې.

د اوکراین لوی درستیز په یوه راپور کې وویل، دښمن ته په لیمان، افدیفکا، نوفوپافلیوکا او باخموت سیمو کې د تېرو ۲۴ ساعتونو په ترڅ کې درانه تلفات اوښتي دي.

عیني شاهدانو ازادي راډیو ته وویل چې د باخموت ښار په لمنو کې ودانۍ په ودانۍ جګړه روانه ده.

د پاکستان صدراعظم: د پیسو نړیوال صندوق د پور ورکړې شرایط سخت دي

د ای ایم ایف نښان

د پاکستان صدراعظم شهباز شریف د جمعې په ورځ وویل چې د پیسو نړیوال صندوق اسلام اباد ته د پور د ورکړې لپاره له تصوره دباندې سخت شرایط ایښې دي، خو له منلو پرته بله لاره نه شته.

شهباز شریف د ملکي او پوځي مشرانو د ګډې غونډې پرمهال پرون په پېښور کې دا خبرې وکړې.

د پیسو د نړیوال صندوق یا ای ایم ایف استازیو تر اوسه په دې اړه څه نه دې ویلي.

پاکستان له ای ایم ایف څخه شپږ اعشاریه پنځه میلیارده ډالر پور غواړي.

د پاکستان د مرکزي بانک اسعاري زېرمه درې اعشاریه صفر نهه میلیاردو ته راښکته شوې ده او دا پیسې د څو اونیو وارداتو لپاره هم بسنه نه کوي.

د پاکستان روپۍ په تېرو څو ورځو کې په پرله پسې ډول د ډالر پر وړاندې خپل ارزښت له لاسه ورکوي.

تېر ماښام د بانکي بیې له مخې یو ډالر په څه باندې دوه سوه شپږ اویا روپیو تبادله شو.

په ازاد بازار کې بیا د ډالر قیمت تر دې لږ تر لږه لس روپۍ لوړ دی.

زیلینسکي: د باخموت دفاع ته ادامه ورکوو

د اوکراین ولسمشر ولودومیر زیلینسکي

د اوکراین ولسمشر وویل، د باخموت دفاع ته ادامه ورکوي او دا ښار به پرې نه ږدي.

ولودومیر زیلینسکي دا خبرې پرون د اروپایي ټولنې مشرانو ته د غونډې پرمهال په کییف کې وکړې.

باخموت د اوکراین په ختیځ کې هغه ښار دی چې سخته جګړه پرې روانه ده.

زیلینسکي په داسې وخت کې د باخموت د دفاع خبره کوي چې بلومبرګ رسنۍ د امریکایي چارواکو په وینا خبر ورکړی چې اوکرایني سرتېرې دې باخموت پرېږدي او خپل پوځیان دې پسرلني عملیاتو ته سره راغونډ کړي.

د دې چارواکو په وینا چې نومونه یې نه دې اخیستل شوي، د باخموت له ښاره وتل د جګړې مسیر نه بدلوي.

اوکراين د پيسو له نړيوال صندوق د پور ورکولو د يو پروګرام د تصويب غوښتنه کړې

د پيسو نړيوال صندوق ودانۍ

د کییف متحدان د پیسو له نړیوال صندوق یا (IMF) غواړي چې اوکراین ته د پور ورکولو یو پروګرام تصویب کړي.

فایننشل ټایمز ورځپاڼې په دې اړه نن په یوه راپور کې ویلي، ټاکل شوې په دې باب د پیسو نړیوال صندوق استازي له اوکرایني چارواکو سره شا و خوا دوې اوونۍ وروسته د پولنډ په پلازمېنه وارسا کې وګوري او دغه پروګرام تر پسرلي پورې نهايي شي.

د ورځپاڼې په راپور کې د ځینو چارواکو په حواله چې له دې موضوع خبر دي ویل شوي، د دې پور اندازه به د ۱۴ او ۱۶ ملیارد ډالرو ترمنځ وي.

اوکراین ویلي چې، روان میلادي کال د ۳۸ ملیارد ډالرو په ارزښت د بودجې له کسر سره مخامخ دی.

بل‌خوا نړیوال بانک اټکل کړی، چې د اوکراین د انرژۍ تر نیمايي زیات بنسټونه د روسیې په حملو کې ویجاړ شوي دي، چې د اوکراین پر اقتصاد یې فشار زیات کړی دی.

د فرانسې ولسمشر: د ايران د اټومي پروګرام دوام به جدي عواقب ولري

د فرانسې ولسمشر امانویل مکرون

د فرانسې ولسمشر امانویل مکرون د اسرائیل له صدراعظم بنیامین نتنیاهو سره تر خبرو وروسته د ایران د اټومي پروګرام چټک تشدید وغانده.

نتنیاهو په پاریس کې دی او د تهران په وړاندې د اروپا د دریځ د سختېدو هڅه کوي.

مکرون د تېر ماښام تر کتنې وروسته په یوه اعلامیه کې خبرداری ورکړ، د تهران د اټومي پروګرام دوام به جدي عواقب ولري.

اسرائیل له اودې مودې ایران د اټومي وسلو د جوړولو په هڅه تورنوي، خو تهران ټینګار کوي، چې اټومي پروګرام یې یوازې د انرژۍ د تولید لپاره دی.

نور راوښيه

XS
SM
MD
LG