د وینزیویلا ولسمشرهوګوچاویز چې له ۱۹۹۹ کال راهیسې د دې هیواد واګې په لاس کې لري، د ورپیښې ناروغۍ له کبله ښایي ونه توانیږي چې د جمهوري ریاست اوسنۍ شپږکلنه دوره ترپایه بشپړه کړي.
د وینزیویلا ولسمشر هوګو چاویز د سرطان د ناروغۍ د درملنې لپاره بیا کیوبا ته ځي.
چاویز چې په تیرې اکتوبر میاشت کې د جمهوري ریاست د یوې بلې شپږکلنې دورې لپاره غوره شوی؛ له تیرکال راهیسې یې څوځلې په کیوبا کې د سرطان عملیات او درملنه شوې ده.
۵۸ کلن چاویز چې د لومړی ځل لپاره یې په عام محضر کې خپله ناروغي ومنله؛ ښایي په قدرت کې ترپایه پاتې نه شي. هغه وویل، که دی ونه شي کولای، چې د جمهوری ریاست چارې سمې پرمخ یوسي، د هغه مرستیال نیکولاس مادوروبه د جمهوري ریاست مسولیت ته اوږه ورکړي او له خپلو پلویانو یې وغوښتل؛ چې که خبره د نویو انتخاباتو شوه نومادورو ته رایه ورکړي.
چاویز له کویبا څخه کاراکاس ته له ستنیدو وروسته په ټلویزیوني خبرو کې دغه اعلان وکړ او ویې ویل، که دی د خپل روغتیایي وضعیت له امله ونه توانیده چې خپله دنده په سمه توګه پرمخ یوسي؛ نود ده پلویان دې د هغه د اوږدې مودې متحد مادورو ترشاه چې پخوا د بهرنیو چارو وزیر او اوس د ده مرستیال دی، ودریږي.
"که څه پیښ شول، چې زه په یوشکل ونه شم کولای نو په دغسې وضعیت کې نیکولاس مادوروبه نه یواځې داچې له اساسي قانون سره سم د جمهوري ریاست دوره بشپړه کړي؛ بلکه زه بشپړ باورلرم چې که د جمهوري ریاست د ترسره کیدو اړتیا ولیدل شوه؛ نو تاسو نیکولاس مادورو د وینزیولا د جمهورریس په توګه غوره کړئ. دا غوښتنه له تاسو د زړه له کومې کوم."
هوګو چاویز چې د وینزیولا د اردو یو پخوانی افسر دی؛ د دې هیواد په بې وزلو خلکو کې په دې خاطر له ډیر محبوبیته برخمن دی؛ چې د تیلو له درکه د ترلاسه شویو عوایدو زیاته برخه یې په دې هیواد کې د عامې روغتیا او ښوونې اوروزنې په چارو لګولي دي.
د وینزیویلا ولسمشر هوګو چاویز د سرطان د ناروغۍ د درملنې لپاره بیا کیوبا ته ځي.
چاویز چې په تیرې اکتوبر میاشت کې د جمهوري ریاست د یوې بلې شپږکلنې دورې لپاره غوره شوی؛ له تیرکال راهیسې یې څوځلې په کیوبا کې د سرطان عملیات او درملنه شوې ده.
۵۸ کلن چاویز چې د لومړی ځل لپاره یې په عام محضر کې خپله ناروغي ومنله؛ ښایي په قدرت کې ترپایه پاتې نه شي. هغه وویل، که دی ونه شي کولای، چې د جمهوری ریاست چارې سمې پرمخ یوسي، د هغه مرستیال نیکولاس مادوروبه د جمهوري ریاست مسولیت ته اوږه ورکړي او له خپلو پلویانو یې وغوښتل؛ چې که خبره د نویو انتخاباتو شوه نومادورو ته رایه ورکړي.
چاویز له کویبا څخه کاراکاس ته له ستنیدو وروسته په ټلویزیوني خبرو کې دغه اعلان وکړ او ویې ویل، که دی د خپل روغتیایي وضعیت له امله ونه توانیده چې خپله دنده په سمه توګه پرمخ یوسي؛ نود ده پلویان دې د هغه د اوږدې مودې متحد مادورو ترشاه چې پخوا د بهرنیو چارو وزیر او اوس د ده مرستیال دی، ودریږي.
"که څه پیښ شول، چې زه په یوشکل ونه شم کولای نو په دغسې وضعیت کې نیکولاس مادوروبه نه یواځې داچې له اساسي قانون سره سم د جمهوري ریاست دوره بشپړه کړي؛ بلکه زه بشپړ باورلرم چې که د جمهوري ریاست د ترسره کیدو اړتیا ولیدل شوه؛ نو تاسو نیکولاس مادورو د وینزیولا د جمهورریس په توګه غوره کړئ. دا غوښتنه له تاسو د زړه له کومې کوم."
هوګو چاویز چې د وینزیولا د اردو یو پخوانی افسر دی؛ د دې هیواد په بې وزلو خلکو کې په دې خاطر له ډیر محبوبیته برخمن دی؛ چې د تیلو له درکه د ترلاسه شویو عوایدو زیاته برخه یې په دې هیواد کې د عامې روغتیا او ښوونې اوروزنې په چارو لګولي دي.