د لاسرسۍ وړ لېنکونه

تازه خبر
دوشنبه ۴ چنګاښ ۱۴۰۳ کابل ۱۱:۴۸

افغانستان

روسي ورځپاڼه: هیلري کلنټن ویلي چې ایران د جګړې د مخنیوي لپاره وروسوتی چانس لري

د روسیې کومرسانت ورځپاڼې د چهارشنبې د ورځې په ګڼې کې لیکلي، د امریکا د متحده ایالاتو د بهرنیو چارو وزیرې هیلري کلنټن د مارچ په دولسمه د ملګرو ملتونو په غونډې کې خپل روسي سیال سرګې لافروف ته ویلي وو؛ چې ایر ان ته ووایي، دا هیواد د جګړې د مخنیوي لپاره یو وروستی چانس لري.

ورځپاڼه لیکي، چې دا وروستی چانس به په راتلونکي میاشت کې هغه مهال څرګند شي، چې ایراني استازي د شپږو هیوادونو (امریکا، روسیې، چین، فرانسې، انګلستان او جرمنې) له استازو سره خبرو ته حاضر شي.

کومرسانت زیاتوي، د اسراییلو صدراعظم بینیمن نتنیاهو متحده ایالاتو ته د وروستي سفر پر مهال جمهور ريیس بارک اوباما ته وویل، اسراییل تمه لري، چې د ایران د اټومي پروګرام د ویجاړولو په حملې کې به یې امریکا ملاتړ وکړي او که چیرې نوموړی د دغې حملې ملاتړ ونه کړي نو د جمهورې ریاست په انتخاباتو کې به په امریکا کې د یهودیانو ملاتړ له لاسه ورکړي.

کومرسانت ورځپاڼې د روسیې د دفاع وزارت د چارواکو په حواله چې نومونه یې نه دې په ډاګه شوی، لیکلي، چې روسیې پر ایران باندې د اسراییلو او امریکا د حملې د عواقبو لپاره تیاری نیولی، په خاص ډول قفقاز ته د ستر شمېر ایراني مهاجرو د احتمالي بهیر لپاره یې لازم ترتیبات برابر کړي دي.

د ورځې تازه خبرونه دلته ولولئ

ویانا کې د طالب ضد مخالفانو ناسته؛ د افغانستان د راتلونکې لار نقشې په اړه بحث کوي

ارشیف: په ویانا کې له دې مخکې هم د طالبانو د یوه عمده مخالف احمد مسعود او نورو څېرو په ګډون ناستې شوې دي.
ارشیف: په ویانا کې له دې مخکې هم د طالبانو د یوه عمده مخالف احمد مسعود او نورو څېرو په ګډون ناستې شوې دي.

د ویانا څلورمه ناسته نن پیلېږي.

په دې ناسته کې د طالبانو د حکومت ضد عمده مخالفان سره راټولېږي او په خبره یې چې د افغانستان د راتلونکې لار نقشې په اړه بحث کوي.

د ملي مقاومت جبهې په خپله ایکسپاڼه لیکلي چې د دوی مشر احمد مسعود په دې ناسته کې د ګډون لپاره د اتریش پلازمېنې ویانا ته رسېدلی دی.

د بیان له مخې تمه کېږي چې د طالبانو ضد "سیاسي او پوځي" ډلو شاوخوا اویا استازي د ویانا څلورمې ناسته کې برخه واخلي.

طالبانو بیا د ویانا پخوانۍ ناستې بې ګټې بللې وې او ویل یې چې ټولې د دوی په خبره ازمویل شوې څېرې په‌کې راټولیږي.

طالبانو د روسیې د بهرنیو چارو وزیر د وروستیو څرګندونو هرکلی کړ

 د روسیې د بهرنیو چارو وزیر سرګي لاوروف
د روسیې د بهرنیو چارو وزیر سرګي لاوروف

د طالبانو د بهرنیو چارو وزارت د روسیې د بهرنیو چارو وزیر له دریځ هرکلی کړی چې ویلي یې دي له طالبانو سره لا زیاتو با ثباتو، دوامداره او حقیقي خبرو ته اړتیا ده.

سرګي لاوروف د ټولیز امنیت د تړون سازمان د بهرنیو چارو وزیرانو د شورا په ناسته کې چې همدا اوونۍ په قزاقستان کې شوې د افغانستان اړوند خبرې کړي.

هغه ویلي، له افغانستان لا هم د ترهګرۍ ګواښ موجود دی، خو د ده په خبره د طالبانو حکومت له ترهګرو سره مبارزه کوي او دوی یې همکارۍ ته چمتو دي.

د طالبانو د بهرنیو چارو وزارت په خپل بیان کې د لاوروف له نظره د هرکلي تر څنګ ویلي چې د روسیې په شمول ټولو هېوادو ته د ښه امنیت ډاډ ورکوي.

لاوروف داسې وخت د طالبانو له حکومت سره د دوامداره او رغنده خبرو په دوام ټینګار کړی چې تمه ده د همدې جون میاشتې په پای کې د دوحې درېیمه ناسته وشي.

د دوحې په ناسته کې د ملګرو ملتونو په کوربه توب د افغانستان لپاره د نړۍ د ګڼو هېوادونو ځانګړي استازي غونډه نیسي.

طالبانو د نیکاراګوا د نااستوګن سفیر د ګومارلو هرکلی وکړ

Illustration - flag of Nicaragua
Illustration - flag of Nicaragua

د طالبانو د بهرنیو چارو وزارت د نیکاراګوا له لوري د افغانستان لپاره د نااستوګن سفیر د ګومارلو هرکلی وکړ.

دغه وزارت نن په یوه خبرپاڼه کې ویلي چې له نیکاراګویا سره د دیپلوماتیکو اړیکو ټینګښت مثبت پرمختګ دی.

تر دې مخکې د نیکاراګووا رسنیو راپور ورکړ چې دغه هېواد د افغانستان لپاره نااستوګن سفیر ګمارلی دی.

مایکل کمبپل (Michael Campbell) چې دا مهال په چین کې د نیکاراګووا سفیر دی، ټاکل شوې له دې وروسته د کابل لپاره هم د دغه هېواد د سفیر په توګه دنده ترسره کړي.

د نیکاراګوا د ولسمشر مرستیالې روزاریو موریلو د افغانستان لپاره د سفیر د ګومارلو خبر تایید کړی دی.

د طالبانو د باندنیو چارو وزارت ویلي چې په پیکینګ کې د افغانستان سفارت ته لارښوونه شوې چې د نیکاراګوا له سفارت سره نژدې کاري اړیکې ولري.

د نیکاراګووا په ګډون تر اوسه د نړۍ یوه هېواد هم د طالبانو سرپرست حکومت په رسمیت نه دی پېژندلی، خو د ګوتو په شمېر هېوادونو د طالبانو ډيپلوماتان منلي او د ځینو هېوادونو سفارتونه په کابل کې فعال دي.

د افغانستان په ۲۳ ولایتونو کې د بارانونو او سېلابونو د راوتلو اټکل شوی

ارشیف: په لغمان کې د راوتلیو سېلابونو یو انځور
ارشیف: په لغمان کې د راوتلیو سېلابونو یو انځور

د طالبانو د حکومت د ټرانسپورټ او هوايي چلند وزارت د هوا پېژندنې ادارې د افغانستان په ۲۳ ولایتونو کې د سختو بارانونو او احتمالي سېلابونو د راوتلو وړاندوینه کړې ده.

د دې ادارې په خبرپاڼه کې راغلي چې نن به د بدخشان، تخار، بغلان، پنجشېر، نورستان، کونړ، لغمان، کاپیسا، پروان، ننګرهار، کابل، لوګر، پکتیا، خوست، پکتیکا، غزني، میدان وردګ، دایکندي، بامیان، سمنګان، غور، سرپل او فاریاب کې ورښتونه دوام وکړي.

په دې ولایتونو کې د باران اندازه له ۱۵ څخه تر ۳۰ میلي مترو پورې اټکل شوې.

د هواپېژندنې اداره وايي چې د باد سرعت به په یو ساعت کې له ۵۰ تر ۷۵ کیلومترو پورې وي.

طالبانو له ایران او پاکستانه د سلګونو افغان کډوالو د ستنېدو خبر ورکړی

ارشیف: له پاکستانه ایستل شوي افغان کډوال چې افغانستان ته روان شوي دي.
ارشیف: له پاکستانه ایستل شوي افغان کډوال چې افغانستان ته روان شوي دي.

د طالبانو د کډوالو او راستنېدونکو چارو وزارت له ایران او پاکستانه د سلګونو افغان کډوالو د ستنېدو خبر ورکړی دی.

دغه وزارت تېره شپه پر خپله ایکس­پاڼه یا پخواني ټویټر لیکلي چې پرون ۸۴۱ افغان کډوال له ایرانه په خپله خوښه، یا هم جبري ډول افغانستان ته ایستل شوي دي.

دغه راز د غبرګولي یا جوزا پر ۳۱مه او د چنګاښی یا سرطان پر لومړۍ نېټه بیا له پاکستانه د ۱۱۰ افغان کډوالو د جبري ستنېدو خبر ورکړل شوی دی.

دغه وزارت لیکلي، ځینې اړ کسان د لومړنیو مرستو ترلاسه کولو لپاره د کډوالۍ نړیوالو ادارو ته وروپېژندل شول.

له پاکستانه د نومبر له لومړۍ نېټې د بې اسناده افغان کډوالو د ډله ییز اخراج لړۍ روانه ده، ورسره ایران هم د افغان کډوالو ایستلو ته شدت بخښلی دی.

شل اوریز نړیوال جام؛ ګلبدین نایب د اسټرالیا پر وړاندې د غوره لوبغاړي جایزه وګټله

 د افغانستان کرکټ ملي لوبډلې لوبغاړی ګلبدین نایب چې د نننۍ لوبې غوره لوبغاړي جایزه یې وګټله.
د افغانستان کرکټ ملي لوبډلې لوبغاړی ګلبدین نایب چې د نننۍ لوبې غوره لوبغاړي جایزه یې وګټله.

د کرکټ شل اوریز نړیوال جام د اتو غوره لوبډلو په پړاو کې افغانستان د ۲۱ منډو په توپير اسټرالیا ته ماتې ورکړه.

په دې سیالۍ کې د افغانستان لپاره رحمن‌الله ګربز، ابراهیم ځدراڼ او نوین الحق هم ښه وځلېدل، خو ګلبدین نایب د لوبې په مهمه شېبه کې د اسټرالیا مخکښ لوبغاړي وسوځول او د لوبې غوره لوبغاړی شو.

هغه په ۴ اورونو کې ۲۰ منډې ورکړې او د ګلین میکسویل، مارکس سټاینز، ټیم ډیویډ او پاټ کمېنز ویکټې ترلاسه کړې.

شل اوریز نړیوال جام؛ افغانستان اسټرالیا ته په لومړي ځل ماتې ورکړه

د افغانستان کرکټ ملي لوبډله
د افغانستان کرکټ ملي لوبډله

د افغانستان د کرکټ ملي لوبډلې د شل اوریز نړیوال جام د اتو غوره لوبډلو په پړاو کې د اسټرالیا ملي لوبډلې ته د ۲۱ منډو په توپیر ماتې ورکړه.

دا لومړی ځل دی چې افغانستان په کرکټ کې اسټرالیا ته ماتې ورکوي.

په نننۍ سیالۍ کې افغانستان د ۱۴۹ منډو هدف ټاکلی و چې اسټرالیا د ټولو لوبغاړو تر سوځېدو وروسته ۱۲۷ منډې وکړې.

افغان لوبډلې ته په توپوهنه کې رحمن‌الله ګربز او ابراهیم ځدراڼ نیمه سلیزې جوړې کړې او په توپ اچونه کې ګلبدین نایب ۴ او نوین‌الحق ۳ لوبغاړي وسوځول.

دا د اتو غوره لوبډلو په پړاو کې د افغانستان لومړۍ بریا وه، که افغان لوبډله له بنګله‌دېش هم راتلونکې سیالي وګټي، نو نیمه پایلوبې ته د رسېدو چانسونه به یې زیات شي.

شل اوریز نړیوال جام؛ افغانستان اسټرالیا ته د ۱۴۹ منډو هدف ورکړ

د افغانستان او اسټرالیا د روانې لوبې یو انځور
د افغانستان او اسټرالیا د روانې لوبې یو انځور

د کرکټ شل اوریز نړیوال جام د اتو غوره لوبډلو په پړاو کې افغانستان د اسټرالیا پر وړاندې د خپلې توپوهنې پاڼۍ بشپړه کړه او ۱۴۸ منډې یې وکړې.

د دې سیالۍ پچه اسټرالیا ګټلې وه او افغان لوبډلې ته یې توپوهنه ورکړې وه.

د افغان لوبډلې پیلیزو توپوهونکو رحمن الله ګربز او ابراهیم ځدراڼ یو وار بیا خپلې لوبډلې ته ښه پیل ورکړ او د ۱۱۸ منډو ملګرتیا یې وکړه.

ګربز په ۶۰ او ابراهیم په ۵۱ منډو خپلې وېکټې له لاسه ورکړې.

د اسټرالیا لپاره پاټ کمېنس ستوری توپ اچونکی و چې د دویم ځل لپاره یې په روان نړیوال جام کې هېټریک ترسره کړ.

که افغان لوبډله دا سیالي وګټي، نو له بنګله‌دېش تر سیالۍ ګټلو وروسته به نیمه پایلوبې ته ورسېږي او که اسټرالیا یوازې همدا لوبه وګټله نیمه پایلوبې ته رسېږي.

د نیکاراګووا د افغانستان لپاره سفیر ګمارلی

د نیکاراګووا بیرغ
د نیکاراګووا بیرغ

د نیکاراګووا محلي رسنیو راپور ورکړی چې دغه هېواد د افغانستان لپاره سفیر ګمارلی دی.

مایکل کمبپل، چې دا مهال په چین کې د نیکاراګووا سفیر دی، ټاکل شوې تر دې وروسته د کابل لپاره د دغه هېواد د سفیر په توګه دنده ترسره کړي.

د نیکاراګوا د ولسمشر مرستیالې روزاریو موریلو د افغانستان لپاره د سفیر د ګمارلو خبر تایید کړی دی.

د نیکاراګووا په ګډون تر اوسه د نړۍ یوه هېواد هم د طالبانو سرپرست حکومت په رسمیت نه دی پېژندلی، خو د ګوتو په شمار هېوادونو د طالبانو ډيپلوماتان منلي او د ځینو هېوادونو سفارتونه په کابل کې فعال دي.

طالبان: اوسمهال په افغانستان کې شاوخوا ۶۰ تنه بهرني وګړي بندیان دي

د طالبانو په کنټرول کې د پلچرخي زندانه یوه څنډه
د طالبانو په کنټرول کې د پلچرخي زندانه یوه څنډه

د افغانستان یوې کورنۍ رسني د طالبانو د چارواکو له قوله خبر ورکړی چې دا مهال د هېواد په زندانونو کې شاوخوا شپېته تنه بهرني وګړي بندیان دي.

آریانا نیوز پرون د زندانونو د ریاست د مرستیال عبدالله همدرد له قوله خبر ورکړ چې نوموړی وایي، شپېته بهرني وګړي چې لس مېرمنې هم په‌کې دي اوسمهال د افغانستان په محبسونو کې بندیان دي.

د طالبانو دې چارواکي د دې بندیانو د هویت په اړه او دا چې د کومو هېوادونو وګړي دي، څه نه دي ویلي، خو له دې مخکې د افغانستان د بشري حقونو لپاره د ملګرو ملتونو ځانګړي راپورتر ریچارد بینېټ خبرداری ورکړی و چې امریکايي وګړی رایان کوربت چې له دوو کلونو راهیسې له طالبانو سره بندي دی د روغتیايي اسانتیاوو د نشتوالي له کبله له جدي روغتیايي خطر او حتی مرګ سره مخامخ دی.

کوربت په افغانستان کې له نادولتي موسسو سره کار کاوه او په ۲۰۲۱م کال کې چې طالبان پر افغانستان واکمن شول دی له افغانستانه ووت خو د ۲۰۲۲م کال په جنوري میاشت کې بېرته افغانستان ته ستون شو چې سمدستي د طالبانو له خوا ونیول شو.

نور راوښيه

XS
SM
MD
LG