د ملي مشارکت د جبهې مشر په دواړو ګاونډیوهیوادونو (ایران او پاکستان) تور پورې کړ، چې د افغانستان او امریکا ترمنځ د ستراتیژیکو اړیکو د سند د لاسلیک کېدو مخه نیسي.
د جبهې مشر نجیب اله کابلي د دوشنبې په ورځ په کابل کې، د جبهې د غړو په ناسته کې وویل، چې دواړه ګاوڼدیان هڅه کوي، چې د پیسو، جاسوسانو او نورو لارو چارو څخه کار واخلي او د دې سند په هکله د خلکو ذهنونه ګډوډ کړي:
″په تاسې او ستاسې په وزارتونو او له کابله لیرې په قوماندانانو کې داسې خلک جذب کړي، چې میلیونونه پیسې ورکوي، ترڅو د افغانستان او امریکا ترمنځ د ستراتیژیکو اړیکو دلاسلیک کېدو مخه ونیسي.″
ده داهم وویل، ګاونډیو هیوادونو په هیواد کې د لویې دودیزې جرګې پرمهال هم هڅې کړي، چې د افغانستان او امریکا ترمنځ د ستراتیژیکو اړیکو په هکله بې باوري رامنځته کړي.
لویه دودیزه جرګه د روان میلادي کال د اکتوبر په پنځه لسمه په کابل ښار کې دهېواد د څه باندې دوه زرو مخورو په ګډون جوړه شوې وه.
جرګې له وسله والوطالبانو سره د پخلاینې او له امریکا سره په ستراتیژیکو اړیکو بحثونه وکړل.
جرګې د یولړ شرطونو په ايښودلو سره له امریکاسره د ستراتیژیکو اړیکو لاسلیک کول تایید کړل.
د ملي مشارکت د جبهې په جوړې شوې ناسته کې له ویناو وروسته یو پریکړه لیک هم خپور کړ، چې په یوې برخې کې یې راغلي:
″امریکا باید د هیواد پولې په پرمختللې تکنالوژۍ او د اواکس په طیارو خوندي وساتي، ترڅو هیواد ته د تروریستانو د ننوتو مخه ونیول شي.″
تراوسه معلومه نه ده، چې د افغانستان او امریکا ترمنځ به داسند کله لاسلیک کیږي.
ځینې افغان چارواکي هم وایي، چې ګاونډی هېوادونه د دې سند لاسلیک کیدو اندیښمن کړي دي.
افغانستان په دی وروستیو کې له هند سره هم د ګډو همکاریو ستراتیژیک تړون لاسلیک کړی دی او په پام کې ده د افغانستان په هکله دبن له کنفرانس څخه دمخه له فرانسې او له کنفرانس وروسته له بریتانیې سره د ګډو همکاریو تړونونه لاسلیک شي.
راپور: خان محمد سیند
د جبهې مشر نجیب اله کابلي د دوشنبې په ورځ په کابل کې، د جبهې د غړو په ناسته کې وویل، چې دواړه ګاوڼدیان هڅه کوي، چې د پیسو، جاسوسانو او نورو لارو چارو څخه کار واخلي او د دې سند په هکله د خلکو ذهنونه ګډوډ کړي:
″په تاسې او ستاسې په وزارتونو او له کابله لیرې په قوماندانانو کې داسې خلک جذب کړي، چې میلیونونه پیسې ورکوي، ترڅو د افغانستان او امریکا ترمنځ د ستراتیژیکو اړیکو دلاسلیک کېدو مخه ونیسي.″
ده داهم وویل، ګاونډیو هیوادونو په هیواد کې د لویې دودیزې جرګې پرمهال هم هڅې کړي، چې د افغانستان او امریکا ترمنځ د ستراتیژیکو اړیکو په هکله بې باوري رامنځته کړي.
لویه دودیزه جرګه د روان میلادي کال د اکتوبر په پنځه لسمه په کابل ښار کې دهېواد د څه باندې دوه زرو مخورو په ګډون جوړه شوې وه.
جرګې له وسله والوطالبانو سره د پخلاینې او له امریکا سره په ستراتیژیکو اړیکو بحثونه وکړل.
جرګې د یولړ شرطونو په ايښودلو سره له امریکاسره د ستراتیژیکو اړیکو لاسلیک کول تایید کړل.
د ملي مشارکت د جبهې په جوړې شوې ناسته کې له ویناو وروسته یو پریکړه لیک هم خپور کړ، چې په یوې برخې کې یې راغلي:
″امریکا باید د هیواد پولې په پرمختللې تکنالوژۍ او د اواکس په طیارو خوندي وساتي، ترڅو هیواد ته د تروریستانو د ننوتو مخه ونیول شي.″
تراوسه معلومه نه ده، چې د افغانستان او امریکا ترمنځ به داسند کله لاسلیک کیږي.
ځینې افغان چارواکي هم وایي، چې ګاونډی هېوادونه د دې سند لاسلیک کیدو اندیښمن کړي دي.
افغانستان په دی وروستیو کې له هند سره هم د ګډو همکاریو ستراتیژیک تړون لاسلیک کړی دی او په پام کې ده د افغانستان په هکله دبن له کنفرانس څخه دمخه له فرانسې او له کنفرانس وروسته له بریتانیې سره د ګډو همکاریو تړونونه لاسلیک شي.
راپور: خان محمد سیند