چاودنه هغه وخت وشوه، چې په ولايت کې امنيتي غونډه پايته ورسېده. د تخار د والي وياند فيض محمد توحيدي اسوشېټېډ پرېس خبري اژانس ته وويل:
”بريد داسې يو چا کړى چې د پوليسو درېشي يې کړې وه او دا چې څنګه نوموړى د غونډې سالون ته ننوت او ولې تالاشي شوى نه و، موږ په دې نه پوهېږو”
د تخار د عامې روغتيا رياست سرپرست رئيس ډاکټر محمد حسن بسيج له ازادۍ راډيو سره په خبرو کې وويل چې په پېښه کې لس تنه ټپيان دي:
”لس تنه هېوادوال مو ټپيان شوي او څلور نور وژل شوي دي. په وژل شويو کې د تخار امنيه قوماندان [شاه جهان نوري] د پامير د ٣٠٣ زون امنيه قوماندان جنرال داود داود، د والي سکرټر او يو ساتونکى شامل دي. په ټپيانو کې والي، څو تنه پوليس او عسکر شامل دي“
د جرمني د دفاع وزير توماس دي مايزيري پرون وويل په تخار کې دوه جرمني عسکر وژل شوي او درې نور ټپيان دي، چې په ټپيانو کې د شمال لپاره د ناټو ځواکونو قوماندان مارکوس کنيپ هم شامل دى.
ولسمشر حامد کرزي او ايساف ځواکونو په جلا جلا اعلاميو کې دغه پېښه غندلې ده.
د جمهوري رياست په اعلاميه کې ولسمشر کرزي دا وحشيانه او تروريستي عمل بللى دى.
د تغيير او اميد په نامه د ګوند مشر او د جمهوري رياست پخوانى کانديد ډاکټر عبدالله عبدالله له ازادۍ راډيو سره په خبرو کې وويل، دولت د تخار د پېښې په مخنيوي کې غفلت کړى او نوموړى وايي دا پېښه دې وڅېړل شي، چې نور کوم کسان په کې لاس لري؟
د پامير د ٣٠٣زون قوماندان جنرال داود داود، تر دې مخکې د کورنيو چارو وزارت مرستيال و، نوموړي پرون تر وژل کېدو څو ساعته مخکې په ګاونډ ولايت کندوز کې يوې غونډې ته په کندوز کې د پوځي عملياتو د پيل خبر ورکړ:
”پرېکړه وشوه چې په دغو عملياتو کې خپل ټول وس وکاروو، قول اردو، ايساف، ملي پوليس، سرحدي پوليس او د عامه نظم پوليس وګمارو، چې په کندوز کې خلکو ته هېڅ ډول ګواښ يا خطر پاتې نه شي. موږ د عمل قوت لرو، کار کوو چې د عمل سرعت پيدا کړو، چې د هر تهديد په وړاندې ژر اقدام وکړو او له منځه يې يوسو“
وسله والو طالبانو د تخار د حملې مسوولیت منلى دى.
د دې ډلې ویاند ذبیح الله وايي په دې پېښه کې شا و خوا پنځه دېرش کسان وژل شوي دي، خو افغان چارواکي دا ادعا ردوي.
د افغانستان د کورنيو چارو وزير بسم الله محمدي د يوه هيئت په مشرۍ د تخار د پېښې د څېړلو لپاره دغه ولايت ته رسېدلى دى.
دا په داسې حال کې ده چې ښاغلي محمدي پرون د ولسي جرګې په غونډه کې ژمنه وکړه چې د امنيتي وضعيت د ښه کولو لپاره به خپلې هڅې زياتوي.
د تخار په اړه نور راپورونه ددې لنکو په کیکاږلو سره لوستلای شئ:
په تخار کې وروستي ځانوژونکي بريد څه پيغام درلود؟
http://pa.azadiradio.org/content/article/24208362.html
د تخار والي:بریدګر د میلمه پلاوي په ترکیب کې راننوتی وو:
http://pa.azadiradio.org/content/article/24208403.html
جنرال داود او د تخار امنيه قوماندان ووژل شول :
http://pa.azadiradio.org/content/article/24208086.html
”بريد داسې يو چا کړى چې د پوليسو درېشي يې کړې وه او دا چې څنګه نوموړى د غونډې سالون ته ننوت او ولې تالاشي شوى نه و، موږ په دې نه پوهېږو”
د تخار د عامې روغتيا رياست سرپرست رئيس ډاکټر محمد حسن بسيج له ازادۍ راډيو سره په خبرو کې وويل چې په پېښه کې لس تنه ټپيان دي:
”لس تنه هېوادوال مو ټپيان شوي او څلور نور وژل شوي دي. په وژل شويو کې د تخار امنيه قوماندان [شاه جهان نوري] د پامير د ٣٠٣ زون امنيه قوماندان جنرال داود داود، د والي سکرټر او يو ساتونکى شامل دي. په ټپيانو کې والي، څو تنه پوليس او عسکر شامل دي“
د جرمني د دفاع وزير توماس دي مايزيري پرون وويل په تخار کې دوه جرمني عسکر وژل شوي او درې نور ټپيان دي، چې په ټپيانو کې د شمال لپاره د ناټو ځواکونو قوماندان مارکوس کنيپ هم شامل دى.
ولسمشر حامد کرزي او ايساف ځواکونو په جلا جلا اعلاميو کې دغه پېښه غندلې ده.
د جمهوري رياست په اعلاميه کې ولسمشر کرزي دا وحشيانه او تروريستي عمل بللى دى.
د تغيير او اميد په نامه د ګوند مشر او د جمهوري رياست پخوانى کانديد ډاکټر عبدالله عبدالله له ازادۍ راډيو سره په خبرو کې وويل، دولت د تخار د پېښې په مخنيوي کې غفلت کړى او نوموړى وايي دا پېښه دې وڅېړل شي، چې نور کوم کسان په کې لاس لري؟
د پامير د ٣٠٣زون قوماندان جنرال داود داود، تر دې مخکې د کورنيو چارو وزارت مرستيال و، نوموړي پرون تر وژل کېدو څو ساعته مخکې په ګاونډ ولايت کندوز کې يوې غونډې ته په کندوز کې د پوځي عملياتو د پيل خبر ورکړ:
”پرېکړه وشوه چې په دغو عملياتو کې خپل ټول وس وکاروو، قول اردو، ايساف، ملي پوليس، سرحدي پوليس او د عامه نظم پوليس وګمارو، چې په کندوز کې خلکو ته هېڅ ډول ګواښ يا خطر پاتې نه شي. موږ د عمل قوت لرو، کار کوو چې د عمل سرعت پيدا کړو، چې د هر تهديد په وړاندې ژر اقدام وکړو او له منځه يې يوسو“
وسله والو طالبانو د تخار د حملې مسوولیت منلى دى.
د دې ډلې ویاند ذبیح الله وايي په دې پېښه کې شا و خوا پنځه دېرش کسان وژل شوي دي، خو افغان چارواکي دا ادعا ردوي.
د افغانستان د کورنيو چارو وزير بسم الله محمدي د يوه هيئت په مشرۍ د تخار د پېښې د څېړلو لپاره دغه ولايت ته رسېدلى دى.
دا په داسې حال کې ده چې ښاغلي محمدي پرون د ولسي جرګې په غونډه کې ژمنه وکړه چې د امنيتي وضعيت د ښه کولو لپاره به خپلې هڅې زياتوي.
د تخار په اړه نور راپورونه ددې لنکو په کیکاږلو سره لوستلای شئ:
په تخار کې وروستي ځانوژونکي بريد څه پيغام درلود؟
http://pa.azadiradio.org/content/article/24208362.html
د تخار والي:بریدګر د میلمه پلاوي په ترکیب کې راننوتی وو:
http://pa.azadiradio.org/content/article/24208403.html
جنرال داود او د تخار امنيه قوماندان ووژل شول :
http://pa.azadiradio.org/content/article/24208086.html