ټاکل شوې چې اغا خان فونډیشن د کابل د جمهوریت روغتون نوې ودانۍ په نړېوالو معیارونو او طبي وسایلو سمبال کړي.
د افغانستان د عامې روغتیا وزارت سرپرستې وزیره ډاکټر ثریا دلیل وایي چې په دې اړه ولسمشر په خپله د اغا خان فونډیشن له چارواکو سره خبرې کړې دي .
ډاکټر ثریا دلیل د سې شنبې په ورخ ازادۍ راډیو ته په دې اړه په یوې ځانګړې مرکه کې وویل چې نن په افغانستان کې موږ داسې روغتون نه لرو چې د سیمې په کچه روغتیايي خدمتونه خلکو ته وړاندې کړي نو ځکه غواړو چې یو تخصصي روغتون جوړ کړو.
د میرمن دلیل په وینا په دې توګه به هم د ناروغانو ستونزې هوارې شي او هم به مو خپله پانګه خوندي کړې وي:
( زموږ یو شمېر ناروغان چې هندوستان او یا پاکستان ته ځي، دوي له نا چارې ورځې، ځکه دلته د تشخیص او درملنې امکانات نه شته، نو د دغه روغتون په فعالېدلو سره به له یوې خوا د دوي ستونزې هوارې شوې وی او له بل خوا به له افغانستان څخه د پانګې د لیږد مخه هم ونیسو او دغه پانګه به په خپله په افغانستان کې ولګول شي.)
د عامې روغتیا وزارت سرپرسته وایي چې د دغه روغتون په مدیریت کې به له اغا خان فونډیشن سره برابره برخه ولري.
د راپورنو له مخې افغانان په میاشت کې نیږدې پنځه ویشت ملیونه ډالره د درملنې لپاره به هېواد څخه بهر په ځانګړي ډول هندوستان او پاکستان کې مصرفوي.
کابل ښاریان هم د افغان دولت له دغه اقدام څخه هرکلۍ کوي او د ناروغانو د ستونزو د هواري په برخه کې یې ګټور او پرځای بولي .
د یادونې وړ ده چې د کابل د جمهوریت روغتون د نوې ودانۍ کار شا او خوا درې نیم کاله پخوا د چین هېواد په مرسته پیل شو چې اوس مهال په لسو پوړونو کې بشپړ شوی دی.
د افغانستان د عامې روغتیا وزارت چارواکي وايي چې په دغه روغتون کې یو شمېر داسې ځانګړونو ته هم پام شوی چې د یو ستندرد او تخصصي روغتون د جوړولو لپاره اړین دي.
د افغانستان د عامې روغتیا وزارت سرپرستې وزیره ډاکټر ثریا دلیل وایي چې په دې اړه ولسمشر په خپله د اغا خان فونډیشن له چارواکو سره خبرې کړې دي .
ډاکټر ثریا دلیل د سې شنبې په ورخ ازادۍ راډیو ته په دې اړه په یوې ځانګړې مرکه کې وویل چې نن په افغانستان کې موږ داسې روغتون نه لرو چې د سیمې په کچه روغتیايي خدمتونه خلکو ته وړاندې کړي نو ځکه غواړو چې یو تخصصي روغتون جوړ کړو.
د میرمن دلیل په وینا په دې توګه به هم د ناروغانو ستونزې هوارې شي او هم به مو خپله پانګه خوندي کړې وي:
( زموږ یو شمېر ناروغان چې هندوستان او یا پاکستان ته ځي، دوي له نا چارې ورځې، ځکه دلته د تشخیص او درملنې امکانات نه شته، نو د دغه روغتون په فعالېدلو سره به له یوې خوا د دوي ستونزې هوارې شوې وی او له بل خوا به له افغانستان څخه د پانګې د لیږد مخه هم ونیسو او دغه پانګه به په خپله په افغانستان کې ولګول شي.)
د عامې روغتیا وزارت سرپرسته وایي چې د دغه روغتون په مدیریت کې به له اغا خان فونډیشن سره برابره برخه ولري.
د راپورنو له مخې افغانان په میاشت کې نیږدې پنځه ویشت ملیونه ډالره د درملنې لپاره به هېواد څخه بهر په ځانګړي ډول هندوستان او پاکستان کې مصرفوي.
کابل ښاریان هم د افغان دولت له دغه اقدام څخه هرکلۍ کوي او د ناروغانو د ستونزو د هواري په برخه کې یې ګټور او پرځای بولي .
د یادونې وړ ده چې د کابل د جمهوریت روغتون د نوې ودانۍ کار شا او خوا درې نیم کاله پخوا د چین هېواد په مرسته پیل شو چې اوس مهال په لسو پوړونو کې بشپړ شوی دی.
د افغانستان د عامې روغتیا وزارت چارواکي وايي چې په دغه روغتون کې یو شمېر داسې ځانګړونو ته هم پام شوی چې د یو ستندرد او تخصصي روغتون د جوړولو لپاره اړین دي.