د لاسرسۍ وړ لېنکونه

تازه خبر
سه شنبه ۱ چنګاښ ۱۴۰۰ کابل ۰۹:۲۰

پنجشنبې جولای ۲۳ نېټه


Afghanistan -- Afghan Press 02, 2009

یو شمیر لویدیځو ورځپاڼو په افغانستان کې د ناکراریو په پراختیااو د بهرنیو سرتیرود تلفاتو په زیاتېدو مقالې لېکلي. جان اقا الکوزي څو ورځپاڼې لوستي او د افغانستان په اړه يې د ځینو لیکنو غټ ټکي راخیستي :

واشنګټن پوسټ ورځپاڼې په وروستۍ ګڼې کي په افغانستان کی د امریکایي ځواکونو د تلفاتو د زیاتیدو په اړه یوه مقاله لیکلې او د پيل په کرښو کې یې لیکي:
په روانې میاشت کي د امریکایی ځواکونو مرګ ژوبله په افغانستان کي په بي ثاري ډول زیاته شوې او کله چې دا ځواکونه د افغانستان د جنوب په کلیو او بانډو کې چې په عنعنوي ډول په کي طالبان قوي دي، ځای په ځای شي، نو تلفات یي ممکن نور هم زیات شي.

ورځپاڼه لیکي: د امریکایي ځواکونو تلفات په داسې حال کې زیات شوي چې افغانان د جمهوري ریاست د انتخاباتو لپاره تیاری نیسي او په دې توګه ممکن د افغانستان د جګړې په اړه چې د امریکا په تاریخ کې ترټولو اوږده جګړه ده، د امریکا د عامو خلکو ملاتړ کم شي.

واشنګټن پوسټ د رانډ موسسې د یوه څیړونکي او (په افغانستان کې د جګړې اته کلونه) د کتاب د لېکوال سیت جونز خبره هم راخیستې چې وایي:

که په افغانستان کي د امریکايي ځواکونو مرګ ژوبله زیاته نه شي نو دا به زما لپاره د تعجب ځای وي.
ورځپاڼه په واشنګټن کې د امنیتي چارو د یوې څیړونکي موسسې د رییس جان نیګل خبرو ته هم اشاره کوي چې وایي:

د افغانستان په جنوب کي زمونږ لومړنیو عملیاتو ممکن دښمن بي توازنه کړی وي، خو دا وېره شته که چیرې وسلوال بیرته په جنوب کې ځانونه سمبال کړي نو زمونږ د ځواکونو تلفات به هم زیات شي.

واشنګټن پوست د مقالي په وروستیو کرښو کې لیکي: په افغانستان کې د ناټو او امریکايي ځواکونو قوماندان جنرال سټینلي مک کریسټال خپلو عسکرو ته هدایت ورکړی چې دافغانستان کلیو او بانډو ته لاړ شي او خپل پام د وسلوالو د حملو په مقابل کي د خلکو حفاظت او امنیت ته واړوي.

جنرال مک کریسټال دغه راز امر کړی چې د ملکي خلکو د مرګ ژوبلې د مخنیوي په مقصد دي هوایي بمبارۍ محدودې شي.

بلي امریکایي ورځپاڼې لاس انجلس ټایمز په افغانستان کی د وسلوالو د حملو د شدت په اړه یوه مقاله لیکلي او په یوې برخې کی یي لیکي:

دا چې په افغانستان کې د جمهوري ریاست انتخاباتو ته څو اوونۍ پاتې دي ، د افغانستان په دوو ختیځو ښارونو کي په یوه وخت د دوو ځان وژونکو حملو له وجې د امنیت په اړه اندیښنې هم زیاتې شوې دي.

ورځپاڼه لیکي:

په جلال اباد او ګردیز کي د امریکايي ځواکونو په اډو او مرکزونو باندې کوماندویي ډوله حملې ددې ښکارندوي دي چې وسلوال کولاي شي په یوه وخت کی په یوې ټاکلي سیمې حملې وکړي.

د ورځپاڼې په باور: له دې حملو څخه دا هم په ډاګه کیږي چې وسلوال هغو اډو او پوځي مرکزونو ته چي سخت امنیت یي نیول شوی، د رسیدو توان هم لري.
XS
SM
MD
LG