د امریکا پوځي ځواکونو ویډیو: "د ټولو بمونو مور" بمب افغانستان کې

پنټاګون وايي چې د امریکا پوځ په ننګرهار ولایت کې د داعش ډلې پر مرکزونو تر ټولو ستر غیر اټمي بم غورځولی دی. د پنټاګون یو ویاند وايي، د جي بي یو ۴۳ په نوم دا بم چې د امریکا پوځ یې د ټولو بمونو د مور په نوم یادوي ۱۱ ټنه چاودیدونکي مواد درلودل. د افغانستان د تېرو نېژدې څلورو لسیزو په جګړو کې د کارول شویو بمونو دقیق شمېر نه دی معلوم که څه هم دا شمېر ښايي لسګونه زرو ته ورسېږي خو په یو ځل د ۱۱ ټنه بم کارول به چاپیریال ته کوم زیانونه واړوي؟